قوربانیانی خۆپیشاندانەکانی ئێران گەیشتە 163 کەس

هەواڵ / جیهان :: پێش 3 هەفتە ‌ :: 161‌ جار بینراوە

دواڕۆژ

ماوەی سێ رۆژە خۆپیشاندان لە شارەکانی ئێران و خۆرهەڵاتی كوردستان دژی گرانکردنی نرخی بەنزین بەردەوامە و تائێستا 163 كەس بەتەقەی راستەوخۆی هێزە ئەمنییەكانی ئێران كوژران و بریندار بوون.

رێكخراوی هەنگاو بۆ مافەكانی مرۆڤ دوێنێ رایگەیاند: کە 25 هاووڵاتی لە شارەكانی جوانڕۆ، سنە، مەریوان و كرماشان بە تەقەی ڕاستەوخۆی هێزە ئەمنییەکان پێکراون كە 21 كەسیان گیانیان لەدەستداوە.

ئاماژەی بەوەشداوە: لە شاری جوانڕۆش 14 خۆپیشاندەر كوژراون و 52 كەسی دیكەش بریندار كراون.

باسی لەوەشکردووە: لە شاری مەریوان شەش خۆپیشاندەر كوژراون و 50 هاووڵاتی دیكەش كە سیانیان منداڵن، بریندار كراون، لە شاری سنەش مێردمنداڵێکی تەمەن 16 ساڵان كوژراوە و 25 كەسی دیكەش بریندارن، هەروەها لە شاری كرماشانیش 15 هاووڵاتی بەتەقەی هێزە ئەمنییەكان برینداركراون.

ئا: چ.ع



created by Avesta Group and powered by Microsoft Azure