نوسینگەی سه‌رۆكی حكومه‌ت له‌سه‌ر هه‌واڵی كڕینی ڤیلایه‌ك له‌ ئه‌مریكا رونكردنه‌وه‌ ده‌دات

هەواڵ / کوردستان :: پێش 3 هەفتە ‌ :: 1499‌ جار بینراوە

دواڕۆژ، نوسینگه‌ى هه‌ولێر

نوسینگەی سه‌رۆكى حكومه‌تی هه‌رێمی كوردستان رایده‌گه‌یه‌نێت ئەو هەواڵەی باس لە کڕینی ڤێلا لە ئەمریکا دەکەن لەلایەن سەرۆکی حکومەتەوە چەواشەکارییە و هەواڵەکە ناڕاستە.


دەقی ڕوونکردنەوەکە:

ڕوونکردنەوەیەک لە نووسینگەی سەرۆکی حکومەتی هەرێمی کوردستانەوە

لەم چەند ڕۆژەی دواییدا، هەواڵێکی ناڕاست لە سایتێکی ئەمەریکی بڵاوکرابوویەوە و بە شێوەیەکی ناڕەوا، ناوی سەرۆکی حکومەتی هەرێمی کوردستان بە بابەتی کڕینی ڤیلایێکەوە لکێندرابوو. بەداخەوە هەندێ سایت و میدیای ناوخۆش بە شێوەیەکی چەواشەکارانە پەرەیان بەو هەواڵە ناڕاستە داوە، ئێمە لە نووسینگەی سەرۆکی حکومەت، سەر لەبەری ئەو هەواڵە ڕەت دەکەینەوە و ، رێکاری یاساییش بەرامبەر بەو چەواشەكارییانە دەگرینەبەر.

نوسینگەی سەرۆکی حکومەتی هەرێمی کوردستان

پێداچوونه‌وه‌و بڵاوكردنه‌وه‌: ئیحسانی مه‌لا فوئاد



created by Avesta Group and powered by Microsoft Azure