قوتابخانە و بازاڕەكانی شاری تاران داخران

هەواڵ / جیهان :: پێش 3 هەفتە ‌ :: 599‌ جار بینراوە

دواڕۆژ


  سەرلەبەیانی ئەمڕۆ یەكشەممە خۆپیشاندانەكانی شاری تارانی پایتەختی ئێران دەستیانپێكردۆتەوە و بەهۆیەوە ژمارەیەك بازاڕ و مۆڵ و قوتابخانە داخراون.

بەپێی زانیارییە میدیاییەكان، وەزاەتی ئیتڵاعاتی ئێران لەهەوڵی بڵاوەپێكردن و كۆتاییپێهێنانی ناڕەزایەتییەكاندایە و لەوچوارچێوەیەشدا دەوترێت كە ئەو وەزارەتە ژمارەیەك چالاكوان و بەشداری خۆپیشاندانەكانی دەستگیر كردووە.

وەزارەتی ئیتڵاعاتی ئێران لەسەر ئەو رووداوانە هەر ئەمڕۆ لەبەیاننامەیەكدا رایگەیاندووە "كە بەشێك لە "ئاژاوەگێڕەكان"یان دەستنشانكردووە و ناسراونەتەوە".

هەر بەهۆی خۆپیشاندانەكانەوە، ژمارەیەك مۆڵ و بازاڕی گەورە لەناوجەرگەی تاران داخراون و قوتابخانەكانیش دەوام تیایاندا وەستاوە، هەمان هەنگاوش لەشاری شیراز دووبارە بۆتەوە و دەوامی زۆربەی قوتابخانەكانی ئەو شارە راگیراوە.



created by Avesta Group and powered by Microsoft Azure