دادگاییکردنی تۆمەتباری کەیسی سێوان و منداڵەکانی دەستی پێکرد

هەواڵ / کوردستان :: پێش 3 هەفتە ‌ :: 864‌ جار بینراوە

دواڕۆژ، پشتیوان جەمال

کەمێک لەمەوبەر یەکەمین دانیشتنی دادگاییکردنی تۆمەتباری کەیسی سێوان قادر و منداڵەکانی لە رێوشوێنێکی ئەمنی تونددا دەستی پێکرد.

 

بەیانی ئەمڕۆ یەکشەممە  17ی تشرینی دووەمی 2019، دوای نزیکەی 10مانگ لە روودانی سوتانی ژنێکی قەزای چەمچەماڵ ( سێوان قادر) و هەرسێ منداڵەکەی، یەکەمین دانیشتنی دادگایی تۆمەتباری سەرەکی رووداوەکە لە سلێمانی دەستی پێکرد.

 

پێشتر بنار عادل نادر، پارێزەری كەیسەكە بەدواڕۆژی راگەیاندبوو: رۆژی یەكشەممە یەكەم دانیشتنی دۆسیەی سێوان قادر و سێ منداڵەكەی دەبێت تایبەت بە تۆمەتبار (د.م)، لەو دانیشتنەدا وتە (ئیفادە) لەسكاڵاكاران بەمافی كەسێتی كە باوكی سێوان قادر و دایكی دەگرێتەوە وەردەگیرێت، ئاگاداركردنەوەش‌ بۆ چەند شایەتحاڵێك چووە و دەبێت ئامادەی دادگاییكردنەكە ‌بن، لەم دۆسێیەدا زۆر شاهید و راپۆرت و وتەی كاتی لێكۆڵینەوە هەیه،‌ بۆیە لە دانیشتنی یەكەمدا تەنیا ئەوەندە وەردەگیرێن و لە دانیشتنەكانی دیكەدا دەچینە ناو گفتوگۆ و وردەكاری دۆسیەكەوە.

 

ئا:ئەڤین



created by Avesta Group and powered by Microsoft Azure