ب سێ قۆناغان نه‌فت ل سه‌ر ئاواره‌یان دهێته‌ به‌لاڤكرن

هەواڵ / کوردستان :: پێش 3 هەفتە ‌ :: 62‌ جار بینراوە

تاگ :: دهۆك

دواڕۆژ، بورهان یه‌حیا

به‌رپرسێ راگه‌هاندنا بۆردێ كاروبارێن مرۆڤایه‌تى ل پارێزگه‌ها دهۆك راگه‌هاند؛ ل 9 كه‌مپێن سنۆرێ پارێزگه‌ها دهۆك نه‌فت هاتییه‌ به‌لاڤكرن و ب سێ قۆناغان ئه‌ڤ كاره‌ دهێته‌كرن ب ڤى ره‌نگى كو ده‌ستپێكێ 100 لتر و پاشى 40 لتر و ل دووماهیێ ژى 60 لتر.

سالم سه‌عید به‌رپرسێ راگه‌هاندنا بۆردێ كاروبارێن مرۆڤایه‌تى ل پارێزگه‌ها دهۆك بۆ دواڕۆژ دیاركر" ب بڕیارا وه‌زاره‌تا كۆچ و كۆچبه‌رێن ئیراقێ ب سێ قۆناغان نه‌فت دێ ل سه‌ر كه‌مقان هێنه‌ به‌لاڤكرن ب وى ره‌نگى كو ده‌ستپێكێ 100 لتر و پاشى 40 لتر و دووڤدا 60 لتر و ب ڤى ره‌نگى دێ 200 لتران بێ به‌رامبه‌ر وه‌رگرن و هه‌تا نوكه‌ ژ سه‌رجه‌مێ 21 كه‌مپان نه‌هـ ژ وان ب ته‌مامى نه‌فت وه‌رگرتینه‌ و پرۆسه‌ به‌رده‌وامه‌".

ئاماژه‌كر" سه‌باره‌ت وان ئاواره‌یێن ده‌رڤه‌ى كه‌مپان ئاكنجی بووینه‌ هه‌تا نوكه‌ چ بڕیار بۆ پێدانا نه‌فتێ بۆ وان نینه‌ و سه‌باره‌ت په‌نابه‌ران ژى بڕیارا پێدانا نه‌فتێ بۆ وان ده‌رنه‌كه‌فتییه‌ و ب رێیا نڤیسارا تایبه‌ت داخواز ژ وه‌زاره‌تێ هاتییه‌كرن كو نه‌فت ل سه‌ر وان ژى بهێته‌ به‌لاڤكرن".

پارێزگه‌ها دهۆك ب شێوه‌یه‌كێ گشتى پێدڤى ب 52 ملیۆن لترێن گازێ یه‌؛ ژبلی ده‌زگه‌هێن میرى و قوتابخانه‌، مزگه‌فت و جهێن ئاینى، لێ حوكمه‌تا ئیراقێ ‌20% ژ پێدڤییا هه‌رێما كوردستانێ بۆ هه‌ر چوار پارێزگه‌هان ئانكو بتنێ 5 ملیۆن لتر یێن مه‌زاختین و نوكه‌ رۆژانه‌ 3 تانكه‌ر كو دبنه‌ ‌ 108 هزار لتر دگه‌هنه‌ دهۆك و هه‌ر خێزانه‌ك بۆ به‌رمیله‌كێ دێ كۆژمه‌یێ 42500 دینار هێنه‌دان.



created by Avesta Group and powered by Microsoft Azure