كاره‌با دهۆك دێ 7 ده‌مژمێران كێم بیت

هەواڵ / کوردستان :: 16/11/2019‌ :: 374‌ جار بینراوە

دواڕۆژ، بورهان یه‌حیا

رێڤه‌به‌رییا گشتییا كاره‌با پارێزگه‌ها دهۆك راگه‌هاند؛ ژبه‌ركو كار ل سه‌ر پڕۆژه‌یێ گرێدانا هێلا خه‌بات -زه‌نگه‌نان (132 كی ڤی) دناڤبه‌را دهۆك - هه‌ولێر دهێته‌كرن دێ 6 بۆ7 ده‌مژمێرێن كاره‌بێ ل دهۆك كێم بن هه‌تا كار ب دووماهى دهێت.


رێڤه‌به‌رییا گشتییا كاره‌با پارێزگه‌ها دهۆك د راگه‌هاندنه‌كێ دا خویا كرییه‌: "هێلا خه‌بات -زه‌نگه‌نان (132 كی ڤی) هێلا كاره‌با پارێزگه‌هێن دهۆك و هه‌ولێر پێكڤه‌ گرێدده‌ت  و ژبه‌ر كارێ نووژه‌نكرنێ و سلامه‌تییا كارمه‌ندێن كاره‌بێ  بۆ ده‌مێ (3) رۆژان ژ ده‌مژمیر (8) سپێدی هه‌تا (4) ئێڤاری ده‌مژمێرێن دانا كاره‌بی ژ (6) تا (7) ده‌مژمیران دێ كیم بیت".

زێده‌تر هاتییه‌: "د هه‌مان ده‌م دا و ب هاریكاریا لایه‌نین په‌یوه‌ندیدار د وه‌زاره‌تا كاره‌بێ دا شیاینه‌ یه‌كه‌یه‌كا به‌رهه‌مئینانێ ل وێستگه‌ها به‌رهه‌مئینانا كاره‌بێ ل كواشێ ( 150 ) میگاواتان دابین بكه‌ت ژبۆ قه‌ره‌بووكرنا وان ده‌مژمیران داكو كارتێكرن ل سه‌ر وه‌لاتییان نه‌كه‌ت".

ژبه‌ر لاوازى و كه‌ڤنبوونا هێلێن كاره‌بێ یێن مابه‌ینا وێستگه‌هێن باژێڕێ خه‌بات بۆ شێخان و دووڤدا دهۆك ل چه‌ند مه‌هێن بۆرى ده‌مژمێرێن كاره‌با گشتى ل دهۆك هه‌مبه‌ر پارێزگه‌هێن دى نێزیكى 5 ده‌مژمێران كێمتر بوویه‌ له‌وا وه‌لاتی نه‌چار بوون كۆژمه‌یه‌كێ پتر بده‌نه‌ ئه‌مپێرێن موه‌لیده‌یان.

پ: چ.ع



created by Avesta Group and powered by Microsoft Azure