نوێترین زانیاری لەبارەی دادگاییكردنی تۆمەتباری دۆسیەی سێوان قادر

هەواڵ / کوردستان :: پێش 4 هەفتە ‌ :: 1085‌ جار بینراوە

دواڕۆژ، پشتیوان جەمال

سەرپەرشتیاری پرۆژەی ژن، ژیانە مەیكوژە، بەناوی خۆیان و بنەماڵەی سێوان قادر داوا لەڕێكخراوەكانی كۆمەڵی مەدەنی دەكەن لەدانیشتنی یەكەمی دادگاییكردنی تۆمەتباری دۆسیەی سێوان قادر ئامادەبن.

پەرچەم قەرەداغی، سەرپەرشتیاری پڕۆژەی ژن، ژیانە مەیكوژە ئەمڕۆ 16ی تشرینی دووەمی 2019 بەدواڕۆژی راگەیاند: سبەی یەكەم رۆژی دانیشتنی دادگای تاوانەكان دەبێت لەشاری سلێمانی سەبارەت بە دۆسیەی سێوان قادر و سێ منداڵەكەی كە ساڵی رابوردوو لەڕووداوێكی تراژیدیدا سووتان، بەناوی بنەماڵەی سێوان و پرۆژەكەیانەوە داوا لەڕێكخراوەكانی ژنان و مافی مرۆڤ و چالاكوانان دەكەن لەو دانیشتنەدا ئامادەبن.

پێشتر بنار عادل نادر، پارێزەری كەیسەكە بەدواڕۆژی راگەیاندبوو: رۆژی یەكشەممە یەكەم دانیشتنی دۆسیەی سێوان قادر و سێ منداڵەكەی دەبێت تایبەت بە تۆمەتبار (د.م)، لەو دانیشتنەدا وتە (ئیفادە) لەسكاڵاكاران بەمافی كەسێتی كە باوكی سێوان قادر و دایكی دەگرێتەوە وەردەگیرێت، ئاگاداركردنەوەش‌ بۆ چەند شایەتحاڵێك چووە و دەبێت ئامادەی دادگاییكردنەكە ‌بن، لەم دۆسێیەدا زۆر شاهید و راپۆرت و وتەی كاتی لێكۆڵینەوە هەیه،‌ بۆیە لە دانیشتنی یەكەمدا تەنیا ئەوەندە وەردەگیرێن و لە دانیشتنەكانی دیكەدا دەچینە ناو گفتوگۆ و وردەكاری دۆسیەكەوە.

پ: چ.ع



created by Avesta Group and powered by Microsoft Azure