ئاستی ئاوی بوندقییە بەڕێژەیەكی بەرچاو زیاد دەكات

هەواڵ / جیهان :: پێش 4 هەفتە ‌ :: 364‌ جار بینراوە

دواڕۆژ


جارێكی تر بوندقییە خۆی بۆ بەرزبوونەوەی ئاستی ئاوەكەی ئامادە دەكات و چاوەڕواندەكرێت حكومەت حاڵەتی ئامادەباشی رابگەیەنێت بۆ ئەوەی رێكاری پێویست لەبارەی هەر رووداو و كارەساتێكی سروشتی بگرێتەبەر كە ببێتەهۆی تێكچوونی یەكێك لە شوێنەوارە دیارەكانی جیهان.

دوێنێ پێنجشەممە 50 هەزار كەس بە دەنگی زەنگی ئاگاداركردنەوە خەبەریان بۆوە لەناوەڕاستی شاری ڤینیسیای ئیتاڵی كە ناوی لە لیستی نەتەوەیەكگرتوەكان بۆ پەروەردە و زانست و رۆشنبیری یونیسكۆ هاتووە.

جارێكی تر ئاستی ئاو لەو شوێنە بەڕێژەی 130 سم بەرز بۆوە و ئاستی ئاوەكە بووە بە 1,87 مەتر  كە لە ساڵی 1966ەوە ئەو بەرزبونەوەی بەخۆیەوە نەبینیوە  كاتێك ئاو گەیشتە 1.94 مەتر.

جارێكی تر چاوەڕواندەكرێت ئاستی ئاو بەرز بێتەوە و پێشبینیدەكرێت 1.25 مەتر تێپەڕێنێت.

بەپێی پێشبینی دەستەی كەشناسی شاری بوندقییە (ڤینیسیا) چاوەڕوان دەكرێت رێژەی ئاوەكە بگاتە 1.40 مەتر. 

جۆزێپی كۆنتی سەرۆك وەزیران رۆژی چوارشەممە بەشداری كۆبونەوەی دەستەی قەیرانی شارۆچكەكەی كردووە و سەردانی بوندقیەی كردووە كە بە كەناڵە ئاوی و پردەكانی بەناوبانگە و ساڵانە 36 ملیۆن گەشتیار سەردانی دەكەن كە 90% بیانین. 

دەسەڵادارانی ئەو وڵاتە بڕی زیانەكانی ناوچەكە بە ملیارەها یۆرۆ مەزەندە دەكەن و خەڵكی ئەو ناوچەیەش هەوڵ دەدەن رووبەڕووی بارودۆخەكە ببنەوە، هەرچەندە چەندین خوێندنگە و مۆزەخانە لە ئێستادا بەهۆی بەرزبونەوەی ئاستی ئاوەكە داخراون.

سەردانیكەران زۆربەیان نازانن كە خەریكە شارەكە ژێر ئاو دەكەوێت كە لەسەر 118 دورگەی بچوك لەسەر تەختە بونیاتننراوە و بوندوقیە پێشتر 30 سم لەژێر دەریای ئەدریاتیكی بۆ ماوەی سەدەیەك نوقم بووە.

سێرجیۆ كۆستا وەزیری ژینگەی ئەو وڵاتەش دەڵێت بەرزبونەوەی پلەی گەرمی  بارودۆخەكەی مەترسیدارتر كردووە.

پسپۆرانی ژینگە پێشبینی دەكەن  ئاستی ئاو لە بوندقییە بەرز تر بێتەوە و سەرۆك وەزیرانی ئەو وڵاتەش دەڵێت ئەوەی توشی بوندوقیە بووە وەك گورزێكی كوشندەیە لە دڵی وڵاتەكەمان  و دەڵێت: "بەداخەوە كە ئەو شارە دەبینین توشی ئەو زیانە بووە و لەژێر هەڕەشەی مەترسی نەماندایە".

بەرزبونەوەی رێژەی ئاو و بایەكی بەهێز و باوباران 80% شارەكەی نوقمی ئاو كردووە.

چەند بەرپرسێكی ئەو وڵاتە داوایان كردووە پڕۆژەی ژێرخانێكی زەبەلاح بە ئامانجی پاراستنی شارەكە جێبەجێ بكرێت كە لە ساڵی 2003ەوە كەوتۆتە كار و هەتا ئێستا 93% كارەكانی تەواو بووە و چاوەڕوان دەكرێت لە ساڵی 2021 تەواو بێت.

چەند پسپۆڕێكی بواری ژینگەش رەخنە لەو پڕۆژەیە دەگرن و دەڵێن تێچونەكەی زۆرە و پێویست نییە.

ئەو پرۆژەیە پێكدێت لە دروستكردنی 78 دەروازە كە دەتوانرێت بۆ پارێزگاری كردن لە دەریاچەكە بەكار بێت لەكاتی بەرزبونەوەی ئاستی دەریای ئەدریاتیكی بۆ سێ مەتر و دەڵێن دەبوایە ئەو پڕۆژەیە لەساڵی 2016 دا تەواو بوایە، بەڵام بەهۆی گەندەڵییەوە دواكەوتووە.

تێچووی هەموو پڕۆژەكە 2 ملیار دۆلارە، بەڵام تا ئێستا 6 ملیار دۆلاری تێچووە. 



created by Avesta Group and powered by Microsoft Azure