کەرکوک.. بەهۆی تەقەی هەڕەمەکی چەند کەسێک بریندار بوون

هەواڵ / کوردستان :: پێش 4 هەفتە ‌ :: 253‌ جار بینراوە

دواڕوژ، یوسف موڕاد

لەپاش تەواوبونی یاری نێوان عێراق و ئێران لەشەوی 14لەسەر 15ی ئەم مانگە بەشێک لەهاوڵاتیانی کەرکوک هاوشێوەی ناوچە جیاجیاکانی تر خۆشحاڵی خۆیان دەربڕی و هەندێکیان لەڕێگای تەقەکردنی هەڕەمەکی، خۆشحاڵی خۆیان دەربڕی و بەهۆیەوە سێ کەس برینداربوون.

دکتۆر کەریم وەلی بەڕێوەبەری فەرمانگەی تەندروستی کەرکوک بە دواڕۆژی ڕاگەیاند "بەهۆی تەقەی هەڕەمەکی، یاخود وەک پێی دەوترێت تەقەی خۆشی، سێ هاوڵاتی شاری کەرکوک شەوی ڕابوردوو برینداربوون".

وتیشی: "بریندارەکان لەپاش گەیاندنیان بەنەخۆشخانە لەلایەن پزیشکەکانەوە چارەسەریان بۆ ئەنجامدراوە و لەژێر چاودێریدان".



created by Avesta Group and powered by Microsoft Azure