هه‌واڵێكى گرنگ له‌ وه‌زیرى په‌روه‌رده‌وه‌ بۆ ئه‌م مامۆستایانه‌

هەواڵ / کوردستان :: پێش 3 هەفتە ‌ :: 21520‌ جار بینراوە

دواڕۆژ، پشتیوان جەمال

وەزیری پەروەردەی حكومەتی هەرێمی كوردستان بەڵێنی بە مامۆستایانی وانەبێژ داوە كار لەسەر داواكارییەكانیان بۆ دامەزراندن بكات و پێی راگەیاندوون: هەوڵدەدەن تەنها مامۆستای میلاك هەبێت.


ئالان حەمەسەعید، وەزیری پەروەردەی حكومەتی هەرێم دوێنێ پێنجشه‌ممه‌ 14ى تشرینى دووه‌م، بەئامادەبوونی بەڕێوەبەری گشتی و جێگری بەڕێوەبەری گشتی پەروەردەی سلێمانی لەگەڵ دەستەی مامۆستایانی وانەبێژ كۆبۆتەوە بۆ چارەسەری كێشەكانیان.

كارزان فیزیك، نوێنەری گشتی مامۆستایانی وانەبێژ ئەمڕۆ 15ی تشرینی دووەمی 2019 بە دواڕۆژی راگەیاند: "لەكۆبوونەوەكەدا وەزیری پەروەردە پێی راگەیاندوون، لەنزیكەوە ئاگای لەداواكارییەكانیان دەبێت و بەڵێنی دڵخۆشكەری پێداون كە بەجددی كاریان لەسەر دەكات، ئاماژەی بەوەشداوە، لەساڵانی رابوردوودا سێ چین لەمامۆستایان (میلاك، گرێبەست، وانەبێژ)، بەڵام هەوڵدەدەن یەك چین بمێننەوە ئەوانیش مامۆستای میلاك".

هەفتەی رابوردوو دوای دەرچوونی بڕیاری مامۆستایانی گرێبەست بەهەمیشەیی، مامۆستایانی وانەبێژیش گردبوونەوەی ناڕەزاییان ئەنجامدا و داوای دامەزراندن دەكەن، بەپێی ئاماری وەزارەتی پەروەردەش نزیكەی 12 هەزار مامۆستای وانەبێژ لەكوردستان هەیە.

پ: ئا.ح



created by Avesta Group and powered by Microsoft Azure