شاندێکی ژنانی باشوور لەخۆرئاوای کوردستان گەرانەوە و چەند زانیارییەکیان خستەڕوو

هەواڵ / کوردستان :: پێش 4 هەفتە ‌ :: 307‌ جار بینراوە

دواڕۆژ، بڕیار محەمەد

بەمەبەستی گەیاندنی کۆمەڵێک داواکاری کوردانی خۆرئاوا، ژمارەیەک لە چالاکوانی ژن سەردانی کونسڵخانەی بەرتانیایان کرد لە شاری هەولێر و داواکاری خەڵکی خۆرئاوایان گەیاندە بەرپرسانی کونسڵخانەکە.


(ئەمڕۆ 14ی تشرینی دووەمی 2019) لەشاری هەولێر ژمارەیەک لە چالاکوانانی شاری سلێمانی کە هەفتەی پێشوو سەردانی  خۆرئاوایان کرد و لەنزیکەوە  دۆخی خۆرئاوای کوردستانیان بینی بوو دوای هاتنەوەی چالاکوانەکانیش سەردانی ناوەندە نێودەوڵەتی و کونسڵخانەکانیان دەستپێکرد، بە مەبەستی گەیاندنی دەنگی خەڵکی خۆرئاوای کوردستان بە ناوەندەکانی جیهان.

ژینۆ محەمەد، یەکێک لەچالاکوانەکان بە دواڕۆژی راگەیاند: ماوەی چەند رۆژێکە  لە خۆرئاوای کوردستان  هاتوینەتەوە و دەمانەوێت دۆخی نالەباری خۆرئاوای کورستان بە جیهان بگەیەنن، چونکە لەئێستادا دۆخی خۆرئاوای  کوردستان ناهەموارە و خەڵکی خۆرئاوا پێویستیان بەهاوکاری و پشتیوانی مادی و مەعنەوی هەیە، چونکە  تاوەکو ئێستا شەڕ لەوێ بەردەوامە.

وتیشی: "لەئێستادا بەهۆی بەکارهێنانی چەکی فسفۆڕەوە لە خۆرئاوای کوردستان دەیان نەخۆشی پێست بڵاوبووەتەوە، تەنانەت ئێمەش لەو ماوەیەی لەوێ بووین توشی ئەو نەحۆشییە بووین".

ئەوەشی وت: "کونسڵخانەی بەریتانیا  پێیان وتووین ئێمە لەبارەی دۆخی خۆرئاوای کوردستان لەگەڵ بەرپرسانی تورکیا لێرە لە هەولێر کۆبووینەتەوە نیگەرانی خۆمان لەبارەی خۆرئاوا پێ راگەیاندون، هەروەها ئاماژەیان بەوەش کرد بەڵێنیان پێداوین  ئەوەی لەتوانای ئەواندا بێت بۆ ئاوارەکانی خۆرئاوا و خەڵکی خۆرئاوا بیکەن".

پ: چ.ع



created by Avesta Group and powered by Microsoft Azure