باژێڕێ دهۆك بۆ وه‌رگرتنا خه‌لاته‌كێ جیهانى به‌ربژێره‌

هەواڵ / کوردستان :: 14/11/2019‌ :: 147‌ جار بینراوە

دواڕۆژ، بورهان یه‌حیا

پارێزگه‌ها دهۆك به‌ربژێڕه‌ د به‌ریكانه‌یا ده‌ستنیشانكرنا (5) باژێڕێن ئاشتیێ ل سه‌ر ئاستێ جیهانێ.


موسلح قادر ژ راگه‌هاندنا كارگێرییا پارێزگه‌ها دهۆك بۆ دواڕۆژ دیاركر: "دوو كه‌س ب نوونه‌راتییا كارگێرییا پارێزگه‌هێ به‌شدارن د کۆنگره‌یێ سالانە یێ رابیته‌یا ئاڤاکرنا شیانێن حوکمەتێن ناڤخۆیی یا هۆلەندا د بەرنامه‌یێ (دەستپێشخەریا ئاشتیێ) دا كو نوكه‌ ل وەلاتێ ژێریا ئەفریقیا ده‌ستپێكرییه‌ و باژێرێ دهۆک ژی ژلایێ رێکخراوا باژێرڤانیێن حکومی یا هۆلەندی (VNG) بۆ به‌شداریكرن د به‌ریكانه‌یا 5 باشترین باژێرێن ئاشتیێ ل سه‌ر ئاستێ جیهانێ هاتییه‌ هه‌لبژارتن".

دیاركر: "ئەڤ خەلاته سالانە بۆ باژێرەکی ل سەرانسەری جیهانێ دهێته‌ پێشكێشكرن و باژێرێ دهۆک کو دهێتە نیاسین ب باژێرێ پێکڤەژیانێ یە شیایە د چەند سالێن بۆری دا ب هزاران ژ ئاوارە و پەنابەران ژ هەموو پێکهاته‌، نەتەوە، ئایین و ئۆلان د سنۆرێ پارێزگەهێ دا ئاکنجی بکەت و ب رێکا بۆردێ کاروبارێن مرۆڤایەتی (BRHA) خزمەتا وان بهێته‌كرن".

ناڤبۆرى ئاماژه‌كر: "ئەڤ کۆنگره‌ سالانە ب پشتەڤانیا رابیته‌یا ئاڤاکرنا شیانێن حکومەتێن ناڤخۆیی (Local Government Capacity Program LGCP) ل وەلاتێ ژێریا ئەفریقیا دهێته‌ برێڤه‌برن، و باژێرێ دهوکێ بو جارا ئێکێ یە پشکداریێ تێدا دکەت هاتیە هەلبژارتن و شیایە هەتا نوکە وه‌كو ده‌ستپێكا به‌ریكانه‌یێ ببیتە ئێك ژ باشترین (5) باژێرێن جیهانێ د ناڤبەرا زێدەترى (35) باژێران ل سەرانسەری جیهانێ و پێشبینی دهێتەکرن باژێرێ دهۆک خەلاتێ ئێکێ وەربگریت وەك باژێرێ ئاشتیێ ل سەرانسەری جیهانێ".

پ: چ.ع



created by Avesta Group and powered by Microsoft Azure