لەنزیک باڵەخانەیەکی حکومی تەقەی هەڕەمەکی کرا

هەواڵ / کوردستان :: پێش 4 هەفتە ‌ :: 2474‌ جار بینراوە

دواڕۆژ، بەختیار شەریف

درەنگانی شەوی رابوردوو، لە شەقامی بەردەم قایمقامیەتی چەمچەماڵ ئۆتۆمبێلێکی نەناسراو تەقەی هەڕەمەکی کرد و لایەنە پەیوەندیدارەکانیش دەڵێن: "زیانی نەبووە".


قایمقامیەتی قەزای چەمچەماڵ لە روونکردنەوەیەکدا کە ئەمڕۆ (پێنجشەممە 14ی تشرینی دووەم) وێنەیەکیان بۆ دواڕۆژ ناردووە و رایدەگەیەنن: دوای ئەوەی شەوی رابوردوو 13 لەسەر 14ی تشرینی دووەمی 2019 لەشەقامی سەرەکی بەردەم کۆمەڵگەی فەرمانگەکان لەنزیک هۆڵی شاکر فەتاح لەلایەن کەسانێک و بەئۆتۆمبێلێکی نەناسراو بەشێوەی هەڕەمەکی تەقە کراوە و هیچ زیانێکی گیانی و مادی لێنەکەوتووەتەوە. 

راشیدەگەیەنن: "لەدوای رووداوەکە هێزەکانی پۆلیس و ئاسایشی ناوخۆ لێکۆڵینەوەیان دەستپێکردووە".

بەپێی زانیارییەکانی دواڕۆژ و روونکردنەوەکەی قایمقامیەتیش هیچ کەسێک لەسەر ئەو رووداوە دەستگیرنەکراوە.

پ: چ.ع



created by Avesta Group and powered by Microsoft Azure