بڕێک تەقەمەنی دەستیبەسەرداگیرا

هەواڵ / کوردستان :: پێش 4 هەفتە ‌ :: 399‌ جار بینراوە
لەنێویدا 11 بۆمبی چێندراو و کۆمەڵێک گولـلە مەدفەعی هەبووە فۆتۆ: ئه‌رشیف

تاگ :: كه‌ركوك

دواڕۆژ، عیماد جەباری

لە ناوچەیەکی کوردنشینی باکوری کەرکوک دەست بەسەر حەشارگەیەکی تەقەمەنیدا گیرا.


وەزارەتی ناوخۆی عێراق (ئه‌مڕۆ چوارشه‌ممه‌ 13ى تشرینى دووه‌مى 2019) لە بەیاننامەیەکدا رایگه‌یاند: لە چوارچێوەی ئۆپراسیۆنێکی هێزە سەربازییەکاندا لە سنوری ناحیەی پردێ دەست بەسەر حەشارگەیەکی تەقەمەنی و بۆمبی چێندراودا گیرا.

ئاشكراشیكرد: حەشارگەکە لە گوندی حەساری کوردنشین لەسەر رێگەی کەرکوک-هەولێر دۆزراوەتەوە و دواتر لەژێر کۆنتڕۆڵدا تەقێندراوەتەوە.

ئەوەشی خستوەتەڕوو کە لەنێو حەشارگەکەدا 11 بۆمبی چێندراو و کۆمەڵێک گولـلە مەدفەعی 122 ملم هەبووە و ئامادەکراوە بۆ کردەوەی تیرۆریستی.

پێشتر دواڕۆژ لە راپۆرتێکدا بڵاویکردەوە کە چەکدارانی داعش لە باشور و رۆژئاوای کەرکوکەوە پەڕیونەتەوە بەرەو ناوچەکانی باکور، بەهۆیەوە مەترسی گەورە کەوتوەتە سەر رێگەی کەرکوک-هەولێر.

پێداچوونه‌وه‌: شیروان شه‌ریف



created by Avesta Group and powered by Microsoft Azure