سلێمانی: لە 12 ساڵدا زیاتر لە 33 هەزار کەس تووشی نەخۆشی شەكرە بوون

هەواڵ / کوردستان :: پێش 4 هەفتە ‌ :: 139‌ جار بینراوە

دواڕۆژ، پشتیوان جەمال

لەشاری سلێمانی لە 12 ساڵی رابردوودا زیاتر لە 33 هەزار كەس تووشی نەخۆشی شەكرە بوون و  ئەمساڵ هەزار و 991 كەس و ساڵی رابردووش 2 هەزار و 797 كەس  تۆمار كراون.

ئەمڕۆ 13ی تشرینی دووەمی 2019 رۆژی جیهانی نەخۆشی شەكرەیە، د.تەها مەحوی، بەڕێوەبەری سەنتەری شەكرە لەسلێمانی بەدواڕۆژی راگەیاند: لەسلێمانی لەكاتی كردنەوەی ئەم سەنتەرەوە كە 12 ساڵە، 33 هەزار و 202 كەس تووشی نەخۆشی شەكرە بوون و تۆماركراون، ئەمساڵ هەزار و 991 كەس تۆماركراون، ساڵی رابردووش 2 هەزار و 797 كەس  تۆمار كراون، ئەوە لەكاتێكدایە كەسانی دیكەی تووشبووش نەهاتوون خۆیان تۆمار بكەن، چونكە لەنەخۆشخانە و كلینكە ئەهلییەكان چارەسەر وەردەگرن.

مەحوی روونیكردەوە: تووشبوون بەنەخۆشی شەكرە چەندین هۆكاری هەیە، بۆ نموونە حاڵەتی دەروونی و تەنگژەی خەڵك، خواردن و پارێزنەكردن، كێشی زۆری خەڵك و كەمی وەرزشكردن، بەگشتیش ساڵانە تووشبووی نەخۆشی شەكرە لەجیهاندا بەرز دەبێتەوە.

 

پ: ک. س



created by Avesta Group and powered by Microsoft Azure