دوو كرێكارێن باكوورێ كوردستانێ بوونه‌ قۆربان

هەواڵ / کوردستان :: پێش 3 هەفتە ‌ :: 104‌ جار بینراوە

دواڕۆژ، دهۆك


ئێڤارا ئه‌ڤرۆ سێشه‌مبی 12-ێ چڕیا پاشی، لسه‌ر پرۆژێ گوندێ فه‌ره‌نسی یێ ئاكنجیبوونێ- دهۆك، دوو كرێكارێن بیانی د روودانه‌كێ دا بوونه‌ قۆربان.


كیڤی بامه‌رنی، به‌رپرسێ پشكا ئاڤه‌دانكرنێ ل سه‌ندیكا كرێكارێن كوردستان-دهۆك بۆ دواڕۆژ گۆت:"ده‌مێ كاركرنێ ل تابقێ پێنج یێ شۆقه‌یێن گوندێ فه‌ره‌نسی، دوو كرێكار كه‌ڤتن و ئێك ژ وان ژیانا خوه‌ ژ ده‌ستدا و هه‌ڤالێ وی ب گرانی برینداربوویه‌ و نووكه‌ ل نه‌خوه‌شخانا هه‌وارهاتنا دهۆك-ه‌".

بامه‌رنی دازانین:"ئه‌و دوو كرێكار كوردێن باژارێ ئامه‌د یێ باكورێ كوردستانێ نه‌، ده‌مه‌ك بوو ب رێیا كۆمپانییه‌كێ لسه‌ر پرۆژێ گوندێ فه‌ره‌نسی ل دهۆك كاردكرن".
ناڤبۆری خوه‌یاكر:"لدووڤ زانیاریێن ده‌ستپێكی ژ ئه‌نجامێ جێبه‌جێنه‌كرنا رێنوومایێن خوه‌پاراستنێ ژ ئالیێ كۆمپانیێ ئه‌و دوو كرێكار بوونه‌ قۆربانی، لێ دووڤچوونا وان دێ به‌رده‌وام بیت دا بگه‌هن ئه‌نجامێن دووماهیێ".

گوندێ فه‌ره‌نسی، پرۆژه‌كێ وه‌به‌رهێنانێ یه‌ بۆ نیشته‌جێكرنێ، دكه‌ڤیته‌ تاخێ شندۆخا ل سه‌نته‌رێ باژارێ دهۆك.
 
 
پ: ک. س



created by Avesta Group and powered by Microsoft Azure