تەرمی كۆچبەرێكی كورد دەگەڕێندرێتەوە بۆ هەرێمی كوردستان

هەواڵ / کوردستان :: پێش 4 هەفتە ‌ :: 281‌ جار بینراوە

دواڕۆژ، پشتیوان جەمال

کۆچبەرێکی کورد لەکاتی بەڕێکەوتنی لەتورکیاوە بۆ یۆنان، بەهۆی جەڵتەوە گیانی لەدەستدا و سبەینێش تەرمەکەی دەگاتەوە شاری هەولێر.

ئاری جەلال، سەرۆکی دەزگای لوتکە بۆ کاروباری ئاوارە و پەنابەران ئەمڕۆ ۱۱ی تشرینی دووەمی ۲۰۱۹ بەدواڕۆژی راگەیاند: رۆژی هەینی رابردوو  ۸ی تشرینی دووەم كۆچبەرێكی كورد بە ناوی فەرەیدون محەمەد عەلی كە خەڵكی هەولێرە، لەكاتی بەڕێكەوتنی لە توركیاوە بۆ یۆنان، بە جەڵتەی دڵ گیانی لەدەستداوە.

ناوبراو ئاماژەی بەوەکرد: دەزگاکەیان لەڕێگەی نوێنەریان لە وڵاتی توركیاو بەهاوكاری قونسوڵخانەی توركیاو ئامەد رەسول، كاروبارەكانی ناردنەوەی تەرمەكە بە ئەنجام دەگەیەنن و کاتژمێر ٦ی بەیانی سبەی سێشەممە دەگاتەوە فڕۆكەخانەی نێودەوڵەتی شاری هەولێر.

پ: ک. س



created by Avesta Group and powered by Microsoft Azure