ل دهۆك920 نه‌خۆشێن په‌نجه‌شێرا مه‌مكی هه‌نه‌

هەواڵ / کوردستان :: پێش 4 هەفتە ‌ :: 131‌ جار بینراوە

دواڕۆژ، بورهان یه‌حیا


رێڤه‌به‌رییا گشتییا ساخله‌مییا پارێزگه‌ها دهۆك راگه‌هاند"ژ سالا ده‌ربازبوویی هه‌تا نوكه،‌ 200 حاله‌تێن په‌نجه‌شێرا مه‌مكی ل ده‌ف ژنێن پارێزگه‌ها دهۆك هاتینه‌ ده‌ستنیشانكرن و ب شێوه‌یه‌كێ گشتی920 ژن تووش بووینێ"‌.

حه‌مزه‌ محه‌مه‌دعه‌لی به‌رپرسێ راگه‌هاندنا رێڤه‌به‌رییا گشتییا ساخله‌مییا پارێزگه‌ها دهۆك، بۆ دواڕۆژ دیاركر"ب به‌رده‌وامی هه‌وێن هوشیاركرنا ژنان ل دۆر نه‌خۆشییا په‌نجه‌شێرێ دهێنه‌ برێڤه‌برن بۆ هندێ پێزانین ل سه‌ر ڤێ نه‌خۆشیێ هه‌بن و هه‌ر ده‌ما بچووكترین گوهۆرینان د له‌شێ خۆ دا دبینن بێی ترس و شه‌ڕم قه‌ستا نۆژدارێن بسپۆر بكه‌ن و چاره‌سه‌ریێن پێدڤی وه‌ربگرن".
حه‌مزه‌ محه‌مه‌دعه‌لی روونكرد:"هاتییه‌ دۆپاتكرن كو ئه‌گه‌ر زوو ئه‌ڤ نه‌خۆشییه‌ بهێته‌ ده‌ستنیشانكرن چاره‌سه‌ركرنا وێ ئاسانه‌ و مه‌زاختییه‌كا كێم ژی پێدڤێت. سه‌نته‌ر و بنگه‌هێن ساخله‌میێ یێن تایبه‌تمه‌ند ل دهۆك هه‌نه‌ كو خزمه‌تا ڤان جۆره‌ نه‌خۆشان بكه‌ن، لێ زۆر فه‌ره‌ ژن ب به‌رده‌وامی پشكنینان ئه‌نجام بده‌ت بۆ هندێ ژ ره‌وشا ساخله‌مییا خۆ پشتراست بیت".
به‌رپرسێ راگه‌هاندنا رێڤه‌به‌رییا گشتییا ساخله‌مییا پارێزگه‌ها دهۆك، هەروسا گۆت:"ب شێوه‌یه‌كێ گشتی920 حاله‌تێن په‌نجه‌شێرا مه‌مكی ل دهۆك هاتینه‌ تۆماركرن و چاره‌سه‌ریێن پێدڤی وه‌ردگرن، لێ ل سالا بۆری هه‌تا نوكه‌ 200 حاله‌ت هاتینه‌ ده‌ستنیشانكرن، ئه‌ڤەش‌ رێژه‌یه‌كا زۆره‌ و پترییا په‌نجه‌شێرا ل جه‌م ژنان هه‌ی ژ جۆرێ مه‌مكی یه‌ له‌وا گرنگییه‌كا زێده‌ پێ دهێته‌دان".

پ: ل. م



created by Avesta Group and powered by Microsoft Azure