هەزاران قوتابخانە بێ‌ توێژەرن

هەواڵ / کوردستان :: پێش 4 هەفتە ‌ :: 127‌ جار بینراوە

دواڕۆژ، پشتیوان جەمال

كۆمەڵەی كۆمەڵناسان و دەروونناسانی كوردستان، رایدەگەیەنێت"لە كۆی شەش هەزار قوتابخانە و خوێندنگە لە هەرێمی كوردستان، كەمتر لە یەك هەزاریان توێژەری كۆمەڵایەتی و دەروونییان تێدایە و زیاتر لە چوار هەزار توێژەریش دانەمەزراون".


جەزا والی سەرۆكی كۆمەڵەی كۆمەڵناسان و دەروونناسانی كوردستان، بە دواڕۆژی راگەیاند"لە كۆی زیاتر لە شەش هەزار قوتابخانە و خوێندنگە كەمتر لە هەزاریان توێژەری كۆمەڵایەتی و رێنماییكاری پەروەردەییان هەیە و پێنج هەزاریان توێژەریان نییە، زیاتر لە چوار هەزار توێژەری كۆمەڵایەتی و دەروونییش دانەمەزراون".

جەزا والی دەڵێت:"لەبەر پێویستیی زۆری قوتابخانە و خوێندنگەكان بە توێژەرانی كۆمەڵایەتی و دەروونی، بە نووسراوی فەرمی داوامان لە وەزیری پەروەردەی حكومەتی هەرێمی كوردستان كردووە بە شێوەی دامەزراندن یان گرێبەست توێژەر بۆ قوتابخانە و خوێندنگەكان دابمەزرێنن، چونكە تائێستا كێشەی زۆری دەروونی و كۆمەڵایەتی و رەفتاریی لە قوتابخانە و خوێندنگەكاندا هەیە و بەهۆی نەبوونی توێژەر چارەسەر نەكراون".


پ: ل. م



created by Avesta Group and powered by Microsoft Azure