دژی هێرشی تورکیا بۆ خۆرئاوای کوردستان گردبوونەوەیەک لەسلێمانی رێکخرا

هەواڵ / کوردستان :: 3 رۆژ پێش ئێستا‌ :: 83‌ جار بینراوە

دواڕۆژ، پشتیوان جەمال

ناوەندی زەردەشتییانی سلێمانی هێرشی سوپای تورکیا بۆ سەر خۆرئاوای کوردستان بە داگیرکردنی کوردستان دەزانن و داوای کردنە دەرەوەی سوپای تورکیا دەکەن.

پاشنیوەڕۆی ئەمڕۆ 9ی تشرینی دووەمی 2019 لەشەقامی سەهۆڵەکەی سلێمانی گردبوونەوەیەکی ناڕەزاییان رێکخست، پیر کامیلی مەزدا سەنایی، لێپرسراوی بەشی ئاینی لەناوەندی سلێمانی زەردەشتیانی کوردستان لەکۆنگرەیەکی رۆژنامەوانیدا رایگەیاند: کوردستان لەبەردەم هەڕەشەی داگیرکەران و لەشکرکێشی تورکیادایە و هەزاران سەربازی تورکی بەچەکی قورسەوە هاتوونەتە خاکی کوردستان و دەیان بنکەی سەربارییان دامەزراندووە، ئەوەش شکاندنی سەروەری کوردستانە و مەبەستیان داگیرکردنی خاکەکەمانە.

ئاماژەی بەوەشکرد: داوا لە خەڵکی کوردستان و رێکخراوەکانی کۆمەڵی مەدەنی دەکەن تواناکانیان بۆ کردنە دەرەوەی سوپای تورکیا یەکبخەن و بایکۆتی کاڵا و درامای تورکی بکەن، چونکە میلـلەتی کورد هەمیشە ئاشتی بۆ خۆی و دەوروبەری ویستووە.

پ: چ.ع



created by Avesta Group and powered by Microsoft Azure