دادوەر و داواکارانی گشتی مانگرتوو راگەیەندراوێکیان بڵاوکردەوە

هەواڵ / کوردستان :: پێش 1 هەفتە ‌ :: 355‌ جار بینراوە

دواڕۆژ

ئەمڕۆ 8ی تشرینی دووەمی 2019 دادوەر و داواکارانی گشتی مانگرتوو لە راگەیەندراوێکدا وەڵامی ئەنجومەنی دادوەری هەرێمیان دایەوە.

ئەمەش لەکاتێکدایە دوێنێ لەبارەی مانگرتنی ژمارەیەک لە دادوەر و ئەندامانی دواکاری گشتی لەگەرمیان، ئەنجومەنی دادوەری هەرێم رایگەیاند: ئەو مانگرتنە پەیوەندی بە هیچ بابەتێکی تایبەتەوە نیە بەڵکو پەیوەندی بە یاداشتنامەیەکەوە هەیە کە چەند دادوەرێک لە گەرمیان پێشکەشیان کردبوو بە ئەنجومەنی دادوەری.

دەقی وەڵامی دادوەر و داواکارانی گشتی مانگرتوو:

وەڵامێک  بۆ ڕای گشتی لەسەر وەڵامی ئەنجومەنی دادوەری 

١_ ئاکاری پیشەییمان ڕێمان پێ نادات هەموو بەڵگەو دیکیومێنتەکان ئاشکرابکەین ، هەر بۆیە داوامان کردوە لیژنەیەک لەپەرلەمان و ئەنجومەنی وەزیران ودادگای پێداچوونەوە لێکۆڵینەوە لە سکاڵاکەمان ئەنجام  بدات . 
٢_ ئێمە لەووشەی خراپ و نەشیاو تێنەگەیشتین کەداومانەتە پاڵ سەرۆکی دادگای تێهەڵچوونەوەی گەرمیان بەڵام دیارە مەبەستیان گەندەڵیە ، وەنەمانتوانی بیسەلمێنیین ،  ئێ باشە شایەتی ١٣ دادوەرو داواکاری گشتی کافی نەبوو ؟ کەلەنزیکەوە شاهێدی بەرچاویان هەیە ، باشە ئێمە نەمانتوانی بیسەلمێنیین خۆ لەدادگای نەزاهەی سلێمانی وگەرمیان دەعوا هەیە ، بۆ هەشت مانگە لە چەکمەچەکانە ؟ 
٣_ بابەتی تەکەتول بازی پەیوەندی بە بابەتی سەرەوە هەیە کە یەکەم جارە کۆمەڵێک دادوەر وداواکاری گشتی بێ دەنگی بشکێنن وە سکاڵا دژی کەسی یەکەم تۆماربکەن بۆیە تۆمەتی تەکەتول بازیان بۆداتاشرا تاوەکوو دەنگیان کپ بکرێتەوە . 
٤_ دادوەرو داواکاری گشتی لەڕووی ئینتیمای حیزبیەوە سەربەخۆن و سەر بەهیچ لایەنێکی سیاسی نیین ،  ئیتر ئەگەر سەردانی چەند بەرپرسێکی حیزبی وحکوومی زۆنی سەوز کرابێ بۆ مەبەستی چارەسەری گرفتەکان بووە وە لەسەر پێشنیاری بەڕێز ئەنجومەنی دادوەری بووە کە چارەسەری ئەم کێشانە لای حیزبێکی دەسەڵاتە چونکە ئەو کەسە لە سنوری دەسەڵاتی ئەوانە . ئیتر ئەگەر ئێمە جارێک یان دوو جار سەردانمان کردبێ ئەوا بەڕێز سەرۆکی دادگای گەرمیان دەیان جار سەردانی کردووە بۆچی بۆئێمە تاوان بێ و بۆ ئەو ماف و ئاسایی بێ ؟ بۆچی ئەویشتان هەواڵەی لێژنە نەکرد وەکوو ئێمە ، ئەمە چ دادپەروەریەکە ؟! 
٥_ کەس ناتوانێت نکۆڵی لەوە بکات کەواقیعی کوردستان هێشتا هەژموونی حیزبی زاڵەو بۆ زۆریک لە بابەتە هەستیارەکان دەبێ حیزب یەکلایی بکاتەوە ، هەر بۆیە بەڕێز ئەنجوومەنی دادوەری ئێمەی ئاڕاستە کرد سەردانی حیزب بکەین . چونکە ئەم حەقیقەتەی دەزانی .
بۆیە مەخابن لەیەکەم ئەزموون کە لەهەرێم ڕوو دددات کە چەند دادوەرێک سکاڵا لەسەرۆکەکەیان بکەن دەرنەچوون،  دەبوو دادگەریتان لا خۆشەویست تر بوایە لە ئەندامێکی ئە نجوومەنەکەتان کە سەرۆکی دادگای گەرمیانە . 
بۆیە تاوەکوو داواکانمان لەناردنی لێژنە یەکی لێکۆڵینەوەی بێلایەن و هەڵوەشاندنەوەی بڕیاڕی گواستنەوەی هەندێک لە ئێمە کەئاماژەتان پێ نەکردووە چونکە دەزانن نایاساییە وە دەبوو لێژنەی کاروباری دادوەری دوای سەلماندنی تۆمەتەکان سزای دەرکردایە وە هەواڵە کردنیشمان بۆ لێژنەی کارووباری دادوەران وداواکارانی گشتی کەپێشنیارتان کردووە بۆ وەزارەتی داد وسەرۆکایەتی داواکاری گشتی بەنایاسایی دەزانیین وتانەی یاسایی لێ دەدەین . بەردەوام ئەبیین لە مانگرتنمان کە مافێکی مەدەنیانەی خۆمانە .
 
دادوەرو داواکارانی گشتی مانگرتوو



  • ڕۆژ
  • هەفتە
  • مانگ
created by Avesta Group and powered by Microsoft Azure