دوای هەواڵێكی دواڕۆژ کێشەی ناوچەیەکی هەرێم چارەسەر کرا

هەواڵ / کوردستان :: پێش 1 هەفتە ‌ :: 232‌ جار بینراوە

دواڕۆژ، رێبین حەسەن

دوای بڵاوكردنەوە هەواڵێك لەماڵپەڕی دواڕۆژ لەسەر راگرتنی دەوامی خوێندكارانی قۆناغی یەكەم، بڕیارە رۆژی یەكشەممەی داهاتوو، دەوامی  خوێندكارانی قۆناغی یەكەمی پەیمانگەی تەكنیكی پێنجوێن دەستپێبكات.


لەوبارەیەوە و بەپێی راگەیەندراوێكی پەیمانگەی تەكنیكی پێنجوێن كە ئەمشەو بڵاوكراوەتەوە و وێنەیەكی تایبەت بۆ دواڕۆژ نێردراوە، هاتووە: "ئاگاداری سەرجەم خوێندكارانی قۆناغی یەكەم دەكەین كە رۆژی یەكشەممە 10ی تشرینی دووەمی 2019، یەكەم رۆژی دەوامی رەسمییە".

هاوكات بەپێی ئەو زانیارییانەی كە دراونەتە دواڕۆژ، دەستپێكردنی دەوامی خوێندكارانی قۆناغی یەكەم دوای ئەوە دێت كە لەلایەن سەرپەرشتیاری گشتی و بڕیاردەرانی پەیمانگەی ناوبراو لەگەڵ قایمقامی قەزای پێنجوێن، بڕیار درا  لەسەر ئەوەی كە ئەو خوێندكارانەی شوێنی نیشتەجێبوونیان دەرەوەی پێنجوێنە، نووسراوی گواستنەوەیان بۆ كراوە بە هەمان بەش و هەمان پلەوە بۆ شوێنی نیشتەجێبوونی خۆیان و گواستنەوەی خوێندكارانیش ئارەزوو مەندانەیە و بەزۆر نییە.

هەر بەپێی زانیارییەكان،  ئەو خوێندكارانەشی كە لەپێنجوێن دەمێننەوە خۆيان ئازادن خانوو دەگرن بە كرێ یان دەچنەوە بۆ شوێنی نیشتەجێبوونی خۆيان.

پێشتر بڕیار بوو رۆژی 3ی ئەم مانگە دەوامی پەیمانگەی تەكنیكی پێنجوێن كە یەكەم ساڵیەتی كراوەتەوە دەستپێبكات، بەڵام بەهۆی نەبوونی بەشە ناوخۆیی خوێندكاران نیگەران بوون.

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure