لەبارەی بودجەی 2020ی عێراق کۆبونەوەیەک بەڕێوەچوو

هەواڵ / عێراق :: پێش 2 هەفتە ‌ :: 401‌ جار بینراوە

دواڕۆژ

ئەمڕۆ 7ی تشرینی دووەمی 2019 عادل عەبدولمەهدی، سەرۆک وەزیرانی عێراق لەگەڵ لیژنەی ئامادەکاری پرۆژی بودجەی گشتی بۆ ساڵی 2020 کۆبووەوە و چەند بابەتێکی پەیوەندیدار بە بودجەکەوە گفتوگۆی لەسەر کرا.


نووسینگەی راگەیاندنی سەرۆک وەزیرانی عێراق لە راگەیەندراوێکدا ئاماژەی بەوەداوە: عادل عەبدولمەهدی لە کۆبونەوەکەدا تەئکیدی لەسەر ئەوە کردووەتەوە کە ئەو بودجەیە بۆ ژیانی هاووڵاتیان و وڵات و ئابوریش گرنگە، ئەو بودجەیە هەر ژمارە نیە بەڵکو هەر کێشەیەک تیایدا دەبێتە کێشە لە پێشکەوتنی ئابوری و تەندروستی و خوێندن و لایەنەکانی دیکەش.

وتوشیەتی: "ئێمە کاردەکەین بۆ ئەوەی بودجەیەک بدۆزینەوە کە بتوانێت ئیدارەی ئابوری بدات بە شێوەیەکی زانستی راست و هەوڵیش دەدرێت سەرچاوە نانەوتییەکانیش زیادبکرێن بۆ داهات، دەستبکرێت بە چاکسازی جددی و چارەسەرکردنی پێویست بۆ سەرجەم ئەو کێشە داراییانەی کە کەڵەکە بوون".

لە کۆبونەوەکەشدا ئەو پرۆژانە باس کراون کە بەهۆیانەوە پارە بەفیڕۆ چووە و هەلی کاریشی دابین نەکردووە، هەروەها باس لە پرۆژە وەستێندراوەکانیش کرا کە خراونەتەوە سەر کار.

هەروەها سەرۆک وەزیران رایگەیاندووە کە گرنگە چاودێری و لێپرسینەوە لەبارەی جێبەجێکردنی پرۆژەکان بکرێت و لیژنەی بودجەش بەردەوام بێت لە کارەکانی و بەزووترین کات پرۆژەکە ئامادەبکات و بینێرێت بۆ ئەنجومەنی نوێنەران.

ئا: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure