نوێترین زانیاری لەسەر کەیسی گیان لەدەستدانی سێوە قادر

هەواڵ / کوردستان :: پێش 1 هەفتە ‌ :: 12813‌ جار بینراوە

دواڕۆژ، بەختیار شەریف

بەپێی زانیارییەکانی دواڕۆژ: لەچەند رۆژی داهاتوودا بەراییەکانی تایبەت بە تاوانباری کەیسی گیان لەدەستدانی سێوە قادر دەدرێتە دادگا و رۆژی دادگایکردنی دیاری دەکرێت.

بنار عادل نادر، پارێزەری کەیسەکە ئەمڕۆ پێنجشەممە 7ی تشرینی دووەمی 2019، بە دواڕۆژی راگەیاند: "دوای ئازادکردنی تۆمەتباری دووەم لە کەیسەکە، له‌ڕۆژی 3/11/2019 سه‌رجه‌م ئه‌وراقه‌کانی کەیسی سووتانی سێوە قادر و منداڵەکانی (ئیحاله‌) بووه‌ و پێشبینی ده‌که‌ین هه‌فته‌ی ئاینده‌ بدرێت به‌داواکاری گشتی".

راشیگەیاند: "دوای وردبینیکردنی ئه‌گه‌ر هه‌ڵه‌ی تیادا نه‌بێت، ره‌وانه‌ی دادگای تاوانه‌کان ده‌کرێت و رۆژی دادگاییکردنی تۆمه‌تبار (د.م) مێردی سێوه‌ قادر دیاری ده‌کرێت".

شەوی 16ی کانوونی یەکەمی 2018 بەهۆی ئاگرێکه‌وه‌ لە ماڵێکی قەزای چەمچەماڵ سێ منداڵ بەناوەکانی (دارین و لارین و دەوەن) سوتان و گیانیان لەدەستدا، دایكى منداڵه‌كانیش به‌ناوى (سێوە قادر) دوای مانەوەی بۆ هەفتەیەک لە نەخۆشخانەی سووتاوی سلێمانی بەرەبەیانی رۆژی 24ى هه‌مان مانگ گیانی لەدەستدا و کەسوکارەکەشی "مێردەکەی بە سووتانیان تۆمەتبار دەکەن".

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure