له‌ رووداوێكدا دوو کرێکار گیانیان لەدەستدا

هەواڵ / کوردستان :: 06/11/2019‌ :: 1690‌ جار بینراوە

دواڕۆژ، محەمەد مستەفا

دوو کرێکار لەکاتی کارکردندا بەهۆی بەربوونەوەی بلۆک بەسەریاندا گیانیان لەدەستدا.


محەمەد عەبدوڵا، بەڕێوبەری کارگێڕی نەخۆشخانەی گشتی رانیە (ئه‌مڕۆ چوارشه‌ممه‌ 6ى تشرینى دووه‌مى 2019) بە دواڕۆژی راگەیاند: ئەمشەو تەرمی دوو گەنجی کرێکار بە ناوەکانی (سێبور محەمەد و مەحمود سەعید) گەیشتونەتە نەخۆشخانەی رانیە کە بەهۆی بەربوونەوەی بلۆک بەسەریاندا گیانیان لەدەستدابوو.

وتیشی: "رووداوەکە لەکاتێکدا بووە کە ئەو دوو کرێکارە بە ئامێر بلۆکیان بۆ سەرەوەی بینایه‌ك بەرزکردۆتەوە، بەڵام لەوکاتەدا بلۆکەکان لە ئامێرەکە کەوتونەتە خوارەوە و کەوتوون بەسەر ئەو کرێکارانەدا".

باسی لەوەشکرد: قوربانیەکان تەمەنیان 20 و 25 ساڵانە و دانیشتوی گەڕەکی رزگاری قەزای رانیەن.



  • ڕۆژ
  • هەفتە
  • مانگ
created by Avesta Group and powered by Microsoft Azure