سه‌ندیكاى مامۆستایان چوار رۆژ مانگرتنى راگه‌یاند

هەواڵ / عێراق :: 28/10/2019‌ :: 1328‌ جار بینراوە

تاگ :: عێراق

دواڕۆژ، عیماد جەباری

یەکێتی مامۆستایانی عێراق وەکو پاڵپشتی لەداواکاری خۆپیشاندەران بڕیاری مانگرتنی دا بۆ ئەم هەفتەیە.


حەسان دەهام سەرۆکی لقی کەرکوکی یەکێتی مامۆستایانی عێراق ئەمڕۆ دووشەممە ٢٨ی تشرینی یەکەم بەدواڕۆژی راگەیاند "لەکۆبوونەوەی ئەمڕۆدا لیژنەی ناوەندی یەکێتييةکەیان بڕیاریدا تاوەکو رۆژی پێنجشەممەی ئەم هەفتەیە مامۆستایان لەتەواوی عێراق مانگرتن رابگەیەنن ونەچنە دەوام".

وتیشی: "داوامانکرد دۆخێکی تایبەت بدرێت بەکەرکوک و ناوچە تازە ئازادکراوەکان، بۆیە مامۆستایانی کەرکوک سەرپشکن بچنە دەوامەکانیان یاخود نەچن هیچ کەسێک ناتوانێت بۆ ئەم هەفتەیە غیابیان بدات یاخود فشار بخاتە سەریان".

هۆکاری مانگرتنەکەشی بۆ ئەوە گەڕاندەوە کە وەکو رێزێکە لەخۆپیشانانەکان و ئەو خوێنە بەناحەق رژاوەی چەند رۆژی رابوردووی عێراق.

 

 



created by Avesta Group and powered by Microsoft Azure