مەترسیدارترین گروپی دزینی ئۆتۆمبێلی ئۆپڵ دەستگیر کران

هەواڵ / کوردستان :: پێش 3 هەفتە ‌ :: 820‌ جار بینراوە

دواڕۆژ، عیماد جەباری

لەلایەن هێزە ئەمنییەکانی کەرکوکەوە گروپێک دەستگیرکران کە تایبەتمەندن بەدزینی ئۆتۆمبێلی ئۆپڵ.


عەمید قەیس عامر بەڕێوەبەری پۆلیسی نەهێشتنی تاوانەکانی کەرکوک تایبەت بەدواڕۆژی راگەیاند "بەیانی ئەمڕۆ دووشەممە ٢٨ی تشرینی یەکەم لەبۆسەیەکدا گروپێک دەستگیرکران کە تایبەتمەندن بەدزینی ئۆتۆمبێلی ئۆپڵ لەکەرکوک".

وتیشی: "گروپەکە لەسێ کەس پێکهاتوون خەڵکی شاری چەمچەماڵن، تاوەکو ئێستا نزیکەی ١٤ ئۆتۆمبێلی ئۆپڵیان دزیوە لەگەڕەکە جیاوازەکانی کەرکوک و بردویانەتە دەرەوەی شارەکە".

ئەوەشی خستەڕوو کە لێکۆڵینەوە لەگەڵیاندا دەستیپێکردووە و دانیان بەوەدا ناوە کە لەپشتی دزینی هەموو ئەو ئۆمبێلانەوەن لەجۆری ئۆپڵە.



  • ڕۆژ
  • هەفتە
  • مانگ
created by Avesta Group and powered by Microsoft Azure