ناسنامەی دوو شەهیدەکەی پەکەکە ئاشکرابوو

هەواڵ / کوردستان :: پێش 3 هەفتە ‌ :: 1055‌ جار بینراوە

دواڕۆژ، ئاکۆ حەمەد رابی

ناسنامەی ئەو دوو شەهیدەی پارتی کرێکارانی کوردستان (پەکەکە) ئاشکرابوو کە بەهۆی بۆردومانی فڕۆکەی تورکی لە چیای ئەزمەڕ شەهیدبوون.

سەرچاوەیەکی ئاگادار لە پارتی کرێکارانی کوردستان (پەکەکە)بە دواڕۆژی وت: "ئەو دوو هەڤاڵەی ئێمە کە لە چیای ئەزمەڕ شەهیدبوون، یەکیان دەمهات عەگیدە کە بەرپرسی پێشوی پەیوەندییەکانی کۆما جڤاکێن کوردستان (کەجەکە)بوو".

ئاماژەی بەوەشدا: ئەوەی تریش هەڤاڵ جەمیل ئەحمەد بوو کەکادیرێکی سەربازی و سیاسیمان بووە.

ئەو سەرچاوەیە باسی لەوەشکرد: هەردوو کادیرەکەی پەکەکە بۆ مەبەستی چارەسەری سەردانی سلێمانیان کردبوو.

وتیشی: "هەڤاڵ دەمهات پێشتر بەهۆی بۆردومانی تورکیاوە لە بارەگاکەی خۆی لە بناری قەندیل بریندارببوو، هەڤاڵ جەمیلیش پێشتر لەشەڕ بریندار ببوو".

ئەمڕۆ سێشەممە 22ی تشرینی یەکەمی 2019 دەزگای ئاسایشی هەرێمی کوردستان ڕاگەیەنراوێکی بڵاوکردەوە و تیایدا ڕایگەیاندبوو: ئێوارەی رۆژی 15ی تشرینی یەکەم، دووکادیری باڵای کەجەکە لەلایەن فڕۆکەی بێفڕۆکەوانی تورکی بۆردومانکران و بەوهۆیەشەوە گیانیان لەدەستدا. 

پێداچوونەوە: کارزان ساڵح



created by Avesta Group and powered by Microsoft Azure