كه‌سایه‌تییه‌كێ ئێزدی خه‌لاته‌كێ جیهانی وه‌رگرت

هەواڵ / کوردستان :: پێش 3 هەفتە ‌ :: 129‌ جار بینراوە

دواڕۆژ، بورهان یه‌حیا

كه‌سایه‌تییه‌كێ ئێزدی كو چه‌ندین كارێن مرۆڤایه‌تی و خێرخوازی بۆ هه‌ژاران ب تایبه‌ت زارۆیێن ئێزدی ئه‌نجام داینه‌ خه‌لاتێ (عه‌نقاع)  یێ جیهانی یێ زێرین بۆ لێبۆرینێ وه‌رگرت.

كاوه‌ عیدو خه‌تاری سه‌رۆكێ رێكخراوا جڤین بۆ گه‌شه‌پێدانا جڤاكی بۆ دواڕۆژ دیاركر" پشتی چه‌ندین پڕۆژه‌یێن مرۆڤایه‌تی ب تایبه‌ت بۆ زارۆیێن ئێتیم یێن دایك و بابێن خۆ د هێرشێن داعش دا ژده‌ست داین كو ماله‌ك ب هه‌می پێدڤییان بۆ دابین كرینه، كه‌سایه‌تیێ سه‌رمایه‌دارێ‌ ئێزدی (به‌شیر كۆریه‌) ژلایێ ده‌زگایێ (عه‌نقاع) ب خه‌لاتێ زێرێن هاته‌ رێزلێنان".
دیاركر" ئه‌ڤ ده‌زگه‌هه‌ سالانه‌ وان كه‌سایه‌تییان خه‌لات دكه‌ت كو كارێن مرۆڤایه‌تی یێن جودا ئه‌نجام دده‌ن و دبه‌رده‌وامن ژی و كاریگه‌رییه‌كا باش ل سه‌ر ئاڤاكرنا جڤاكێ سڤیل و بلندكرنا ئاستێ ره‌وشه‌نبیریێ كرییه‌".
ناڤبۆری ئاماژه‌كر" كاریگه‌رترین ئه‌ركێن مرۆڤایه‌تی یێن به‌شیر كۆریه‌ ئه‌نجام داین ڤه‌كرنا مالا جڤین یا زارۆیێن ئێتیم بوویه‌ كو ژبلی خودانكرنا وان كار بۆ ئاڤاكرنا كه‌سایه‌تییه‌كا باش دكه‌ت و ژ ئالیێ ده‌روونی ڤه‌ كار بۆ باشتركرنا ره‌وشا ساخله‌مییا وان كرییه‌".
ل خولا ئێكێ یا ڤێ خه‌لاتێ ب ناڤێ (مه‌هماتا غاندی) بوو و خولا دووێ ب ناڤێ (نێلسۆن ماندێلا) و خلوا سیێ (د. مه‌زهه‌ر محه‌مه‌د سالح) و خولا چارێ ژی (د. مه‌هدی حافز).

 

پێداچوونەوە: کارزان ساڵح



created by Avesta Group and powered by Microsoft Azure