وتەبێژی هەسەدە لەبارەی کشانەوەیان لە سەرێکانی روونکردنەوە بۆ دواڕۆژ دەدات

هەواڵ / کوردستان :: پێش 4 هەفتە ‌ :: 903‌ جار بینراوە

دواڕۆژ، هانا چۆمانی

هێزەکانی سوریای دیموکرات رایدەگەیەنێت: "وەک بەشێک لەو رێککەوتنەی کە کرابوو، ئێمە پێیەوە پابەند بووین و ئەمڕۆ سەرجەم هێزەکانی هەسەدە و شەڕڤانان لە سەرێکانی کشانەوە".


کینۆ گابریێل، وتەبێژی هێزەکانی سوریای دیموکرات تایبەت بۆ دواڕۆژ وتی: "ئێمە پابەندبووین بە بەشێکی ئەو رێککەوتنەی کە کرابوو لەنێوان ئەمریکا و تورکیادا سەبارەت بە خۆرئاوای کوردستان، ئەمڕۆ ئێمە بە کردار رێککەوتنەکەمان جێبەجێکرد".

دەشڵێت: "ئێوارەی ئەمڕۆ سەرێکانیمان چۆڵکرد و دواین شەڕڤانی خۆمان لەو شارە کێشایەوە، هیچ شەڕڤانێکی ئێمە لە سەرێکانی نەماوە".

ئێوارەی ئەمڕۆ کاتژمێر 6:11 خولەک دواین کاروانی شەڕڤانانی هەسەدە لەسەرێکانی کشانەوە، وەک پابەندبوونێک بە رێککەوتننامەکەی نێوان ئەمریکا و تورکیا کە سێ رۆژ لەمەوبەر واژۆ کرا.

پ: چ.ع



created by Avesta Group and powered by Microsoft Azure