300 خێزانێن په‌نابه‌رێن رۆژئاڤا گه‌هشتینه‌ كه‌مپێن دهۆك

هەواڵ / کوردستان :: 18/10/2019‌ :: 200‌ جار بینراوە

دواڕۆژ، دهۆك


ژماره‌كا په‌نابه‌رێن رۆژئاڤایێ كوردستانێ، قه‌ستا باژارێ دهۆك كریه،‌ تا نوكه‌ ژمارا وان گه‌هشتییه‌ نێزیكی 300 خێزانان.


سالم سه‌عید، به‌رپسێ راگه‌هاندنا بۆردێ كاروبارێ مافێ مرۆڤان ل دهۆك بۆ دواڕۆژ گۆت:"هاتنا په‌نابه‌رێن رۆژئاڤایێ كوردستانێ بۆ دهۆك هه‌تا ئێڤارا ئه‌ڤرۆ هه‌ینی 18-ێ چریا پێشی، گه‌هشتییه‌ زێده‌تری 1500 ‌كه‌سان".

ناڤبۆری دازانین:"ئه‌و په‌نابه‌رێن گه‌هشتین دهۆك 300 خێزانن ل كه‌مپێن دۆمیز و به‌رده‌ڕه‌ش هاتینه‌ بجهكرن و هه‌موو پێدڤی بۆ وان هاتینه‌ دابینكرن".

سالم سه‌عید، زه‌لالكر:"پتریا په‌نابه‌ران چۆینه‌ كه‌مپا به‌رده‌ڕه‌ش و بتنێ نێزیكی 200 كه‌سان ل كه‌مپا دۆمیز هاتینه‌ بجهكرن".

به‌ری هاتنا ڤان په‌نابه‌رێن رۆژئاڤایێ كوردستانێ بۆ دهۆك، ژمارا په‌نابه‌رێن رۆژئاڤایێ كوردستان ل كه‌مپێن دهۆك و ده‌رڤه‌ی كه‌مپان نێزیكی 95 هزار په‌نابه‌ران بوو كو هه‌ر ژ ده‌ستپێكا شه‌ڕوئالۆزیێن سوریایێ ل سالا 2011-ێ قه‌ستا باژارێ دهۆك كربوون.

 

پ: ک. س



created by Avesta Group and powered by Microsoft Azure