کەمپینێک بۆ ڕۆژئاوای کوردستان راگەیاندرا

هەواڵ / کوردستان :: 18/10/2019‌ :: 211‌ جار بینراوە

دواڕۆژ، بڕیار محەمەد

بەسەرپەرشتی كۆمەڵێك چالاكوانی کۆمەڵگەی مەدەنی كەمپینێك بۆ كۆكردنەوەی هاوكاری بۆ كوردانی رۆژئاوا لە شاری هەولێر راگەیەندرا.


ئێوارەی ئەمڕۆ (١٨ی تشرینی یەکەم) لە بەردەم پاركی شانەدەری شاری هەولێر، لەلایەن كۆمەڵێك چالاكوانی مەدەنی كەمپینێكی دیکە بۆ كۆكردنەوەی هاوكاری بۆ كوردانی رۆژئاوا رادەگەیەندرێت.

کەمپینەکە ناوی (هاواری نیشتیمان)ەو ڕێکخەرەکانی کەمپینەکە داواكارن وەك ئەركێكی مرۆڤانە و نیشتیمانیانە هاووڵاتیان بەشداری لە كەمپینەكە بكەن، بۆ ئەوەی بتوانن هاوكاری پێشکەش بە کوردانی رۆژئاوای کوردستان بکەن.


ئاماژەشیان بۆ ئەوە كردووە كە هەر كەسێك ویستی بەشداری بكات پێویستە ئەو شتانەی ئاماژەیان بۆ كردووە وەك (شیر و حەفازە و پارە و داودەرمان و خۆراك) بۆ كەمپینەكە ببەن.


ئەوە دووەم كەمپینی لەم چەشنەیە کە لە شاری هەولێر بۆ هاوکاریکردنی کوردانی ڕۆژئاوا ڕاگەیەندراوە.

پ: ک. س



created by Avesta Group and powered by Microsoft Azure