كچه‌ میدیاكارێكى كورد شه‌هید بوو

هەواڵ / کوردستان :: 17/10/2019‌ :: 16442‌ جار بینراوە

دواڕۆژ، هانا جۆمانی 


بەرپرسێکی هێزەکانی پاراستنی ژنان رایدەگەیەنێت: كچه‌ رۆژنامەنوسێكى رۆژئاوای کوردستان کە لە ناوەندی میدیا جەنگی (یەپەژە) کاریدەکرد بەهۆی بۆردومانی سوپای تورکیا لەگرێ سپی شەهید بوو. 

شەیلان چیای، ئەندامی دەستەی فەرماندەی هیزەکانی پاراستنی ژنان (یەپەژە) لە گرێ سپی بە دواڕۆژی راگەیاند: "بەداخەوە ئەمڕۆ پێنجشەممە ١٧ تشرینی یەکەم، میدیاکاری دیار و ئازامان (دیلان عەبدوڵا ئۆڵمەز) ناسراو بە (دلۆڤان گەڤەر) لە بەرخودانی گرێ سپی بە بۆردمانی سەختی فڕۆکەکانی تورکیا له‌كاتى كاركردندا شه‌هیدبوو".

هەڤاڵ دیلان لە دایکبووی ساڵی ١٩٩١ شاری کۆبانێی رۆژئاوای کوردستانه‌ لە ساڵی ٢٠١٤ پەیوەندی کردووه‌ بە ریزەکانی یەپەژە، دواتریش بەهۆی لێهاتووی لە تەکەنیکی وێنەگرتندا بووه‌ته‌ ئەندامی دەستەی میدیای هێزەکانی پاراستنی ژنان، لە بەرخودانی سەردەمیشدا دژی دەوڵەتی تورک وەک ئەندامی میدیای جەنگی یەپەژە لە گرێ سپی كارى كردووه‌.

پ: ئا.ح



created by Avesta Group and powered by Microsoft Azure