بانگەوازێکی بەپەلە لە خۆرئاوای کوردستانەوە

هەواڵ / کوردستان :: 17/10/2019‌ :: 2910‌ جار بینراوە

تاگ :: كوردستانى

دواڕۆژ، هانا چۆمانی 


دەستەی سەرپەرشتیاری گشتی خۆرئاوای کوردستان بەیاننامەیەکی بەپەلەی بڵاوکردەوە و تیایدا داوا دەکات رێکخراوەکانی بواری مافی مرۆڤ و هاوکارییە مرۆییەکان بەهانای هاووڵاتیان و بریندارانەوە بچن لە سەرێکانی.

لە بانگەوازینامەکەدا کە کەمێک لەمەوبەر بڵاوکراوەتەوە کۆپییەکی تایبەت بۆ دواڕۆژ نێردراوە، تیایدا هاتووە: "بۆ سەرجەم رێکخراوەکانی تایبەت بە مافی مرۆڤ و کۆمەکی مرۆیی تکایە هاوکارمان بن بۆئەوەی بتوانین بریندارانی مەدەنی  بگوازینەوە لە سەرێکانی کە بەهۆی بۆردومانە سەختەکانی تورکیا برینداربوون و شەهید بوون".

هەروەها هاتووە: "تورکیا لە سەرێکانی سەرجەم جۆرەکانی چەک بەکاردەهێنێت بە چەکە قەدەغەکراوەکانیشەوە و تیمەکانی ئێمەش ناتوانن بچنە سەرێکانی و برینداران بگوازنەوە و فریاگوزاری سەرەتاییان پێ بگات".

پێداچوونەوە:ئەڤین

بڵاوکردنەوە: چ.ع



created by Avesta Group and powered by Microsoft Azure