ئەنجومەنى ئاسایش لەبارەى دۆخى رۆژئاواى کوردستان هۆشدارى دەدات

هەواڵ / جیهان :: 16/10/2019‌ :: 638‌ جار بینراوە

دواڕۆژ

ئەنجومەنى ئاسایش نیگەرانى لەبارى دۆخى مرۆیى لە رۆژئاواى کوردستان و مەترسى هەڵهاتنى داعشە دەستگیرکراوەکان نیشاندەدات.


پاش کۆبونەوەیەکى داخراو 15 ئەندامەکەى ئەنجومەنى ئاسایشى نێودەوڵەتى رێککەوتن لەسەر بەیاننامەیەک دەربارەى بارودۆخى رۆژئاواى کوردستان لەپاش هێرشەکانى سوپاى تورکیا و بەشێک لە گروپە ئۆپۆزسیۆنەکانى لایەنگرى کە ماوەى هەفتەیەکە دەستیپێکردووە.

ئەنجومەنەکە لەو بەیاننامەیەدا هۆشدارى دەدات لەبارەى تێکچوونى دۆخى مرۆیى لەو بەشەى کوردستان، هەروەها مەترسى هەڵهاتنى چەکدارە دەستگیرکراوەکانى داعش لە ناوچەکە نیشاندەدات، بەبێ ئەوەى هیچ ئاماژەیەک بە هێرش و پەلامارەکانى تورکیا بکات.

لاى خۆیەوە نێردەى ئەمریکا لە نەتەوە یەکگرتووەکان داواى لە تورکیا کرد هێرشەکانى رابگرێت و بارى ئاگربەست رابگەیەنێت.

هەروەک باڵیۆزى روسیا رایگەیاند: تورکیا بۆ مۆسکۆى دوپاتکردوەتەوە کە رێز لە یەکێتى خاکى سوریا دەگرێت.

ئا: شیروان شەریف



created by Avesta Group and powered by Microsoft Azure