ژماره‌یا ئێزدییان ل رۆژئاڤا كوردستانێ 60% كێم بوویه‌

هەواڵ / کوردستان :: 14/10/2019‌ :: 121‌ جار بینراوە

دواڕۆژ، بورهان یه‌حیا

پێشتر ژماره‌یا ئێزدیێن ل رۆژئاڤایێ كوردستانێ 80 هزار كه‌س بوون لێ نوكه‌ بووینه‌ 30 هزار كه‌س و پشتى هێرشا سۆپایێ توركیا ب 8 گوندێن ئێزدییان هاتینه ‌چۆلكرن‌.

شه‌مۆ قاسم به‌رپرسێ ره‌وشه‌نبیرى و راگه‌هاندنا بنگه‌هێ لالش یێ ره‌وشه‌نبیرى و جڤاكى (ئه‌ڤرۆ دووشه‌مب 14 تشرینا ئێكێ 2019) بۆ دواڕۆژ دیاركر" به‌رى شه‌ڕ ل سووریێ ورۆژئاڤا كوردستانێ ده‌ست پێبكه‌ت ژماره‌یا ئێزدییان ل رۆژئاڤا كوردستانێ 80 هزار كه‌س بووینه‌ لێ نوكه‌ ژماره‌یا وان بوویه‌ نێزیكى 30000 كه‌سان و یێن دى هه‌ر هه‌موو ل وه‌لاتێن دى په‌نابه‌ر بووینه ئانكو ب رێژه‌یا 60% كێم بووینه‌".

ل ڤێ دووماهیێ و پشتى هێرشا سۆپایێ توركیا بۆ سه‌ر رۆژئاڤایێ كوردستانێ 8 گوندێن ئێزدییان هاتینه‌ چۆلكرن و به‌ره‌ڤ حه‌سه‌كێ چۆینه‌ كو ژماره‌یا وان 300 كه‌سن و پترییا وان یێن گوندێ تل خاتوونێ ل تربه‌سپیێ نه‌.

گوندێن (تل بەنات، سکرییە،عەلوک، تاخێ پێشەسازی و دەردارا ل سەرێ کانیێ) خەلکێ وێ ب تەمامی ئاوارەی گوند و باژێرێن حەسەکێ بووینە.

شه‌مۆ قاسم خویاكر" پترییا گوندێن ئێزدییان دكه‌ڤنه‌ سنۆرێ كۆبان و حه‌سه‌كێ و ژبه‌ر جوداهییا ئایینى به‌رده‌وام گڤاشتن ل سه‌ر وان هاتینه‌كرن و ب ده‌هان شه‌هید ژى داینه‌".



  • ڕۆژ
  • هەفتە
  • مانگ
created by Avesta Group and powered by Microsoft Azure