جيهان بە کورتی: ده‌سته‌كانی تره‌مپ خوێنیان لێ ده‌چۆڕێت

هەواڵ / جیهان :: پێش 4 هەفتە ‌ :: 4245‌ جار بینراوە

دواڕۆژ 
سی ئین ئێن: ده‌سته‌كانی تره‌مپ خوێنیان لێ ده‌چۆڕێت

جه‌یك تاپه‌ر میدیاكاری دیاری ئه‌مریكا و پێشكه‌شكاری به‌رنامه‌ی (The Lead with Jake Tapper)ی كه‌ناڵی سی ئێن ئێن-ی ئه‌مریكا، به‌هۆی هه‌ڵوێسته‌كانی له‌ به‌رامبه‌ر له‌شكركێشی توركیا بۆ سه‌ر خۆرئاوای كوردستان، هێرشده‌كاته‌ سه‌ر دۆناڵد ترامپ، سه‌رۆكی ئه‌مریكا. 
له‌ هه‌ژماری تایبه‌تی خۆی له‌ تۆڕی كۆمه‌ڵایه‌تی تویته‌ر نوسیویه‌تی "من وتم كه‌ خوێن ئه‌ڕژێت، به‌ڵام هه‌رگیز چاوه‌ڕوانی ئه‌م ده‌رئه‌نجامه‌م نه‌ده‌كرد، ده‌سته‌كانی ترامپ به‌هۆی پشتكردنه‌ هاوپه‌یمانه‌ كورده‌كانمان خوێنیان لێده‌چۆڕێت".

ئەلعەهد نیوز- کێشە دەکەوێتە ناو خانەوادەی شاهانە و میرەکان چاوەڕوانی کۆتایی بن سەلمان دەکەن

توێژەر و چالاکێکی سیاسی سعودی ئاشکرایدەکات، کە کێشە لەنێوان ئەندامانی خانەوادەی شاهانە دروستبووە و میرەکانی ئەو وڵاتەش ئامادە باشییان کردووە بۆ ئەوەی نەهێڵن محەمەد بن سەلمان شازادەی جێنشینی سعودییە لەکاتی روودانی هەر گۆڕانکارییەک بێتە سەر تەختی پاشایەتی.
فەهەد ئەلغفێلی توێژەر و چالاکی کاروباری سیاسی لە تویتێکدا نوسیویەتی: "هیچ جۆرە متمانەیەک لەنێوان خانەوادەی شاهانە و میرەکان نەماوە دوای ئەوەی بن سەلمان پشتی لێکردوون و بەهەڵوێستەکانی دژایەتییان دەکات و هەمووان دەترسێنێت بۆ ئەوەی ملکەچی بڕیارەکانی ببن".

ئەلعەهد نیوز- رێژەی ئەو قەرزانە چەندە کە پێویستە ئەمریکا بیدات بە نەتەوە یەکگرتووەکان؟


نەتەوە یەکگرتووەکان رێکاری یاسایی توند دژ بەو وڵاتانە دەگرێتەبەر، کە ژمارەیان 50 وڵاتە و تاکو ئێستا پشکی خۆیان لە میزانییەی ئەو رێکخراوە نەداوە و وەک قەرز لەسەریان ئەژمار کراوە و قەرزەکانی ئەمریکاش گەیشتووەتە یەک ملیار دۆلار.

ئەسرار-وەزیری بەرگری ئەمریکا: ململانێی نێوان کورد و تورک تەمەنی 200 ساڵە و ئێمە نامانەوێت لەو جەنگەدا تێوەگلێین

مارک ئەسپێر وەزیری بەرگری ئەمریکا ئاشکرایدەکات، کە ئەمریکا نایەوێت لەو شەرەدا تێوەگلێت کە ئیستا لە نێوان کورد و تورکیا لە باکوری خۆرئاوای سوریا بەرپا بووە، چونکە مێژووی ئەو ململانێیە تەمەنی 200 ساڵە و بە ئاسانی دانامرکێتەوە، بۆیە پێویستە هێزەکانی ئەمریکا لەو ناوچەیە بکشێتەوە.

سەدا ئەلبەلەد- راستیی بوونی دانوستاندنی نهێنیی نێوان ئێران و سعودییە


تورکی ئەلفەیسەل سەرۆکی هەواڵگری پێشووی سعودییە ئاشکرایدەکات، کە سعودییە نایەوێت دژی ئێران جەنگ بەرپا بکات و لە ئێستادا هیچ جۆرە پەیوەندییەکی ئاشکرا و نهێنی لە نێوانی هەردوو وڵاتدا نییە، بۆیە پێویستە لەسەر تاران خۆی یەکلابکاتەوە یان دەبێت هاوپەیمان بێت لە بەدیهێنانی سەقامگیری لە ناوچەکە، یان بەهەمان ئاراستەی خۆی بمێنێتەوە لەوکاتەشدا لەلایەن سعودییە و هاوپەیمانەکانی بەتووندی وەڵام دەدرێتەوە.

رەئی ئەلیەوم- سەرۆکی چین هەڕەشەی وودکردنی ئێسکی ئەو کەسانە دەکات کە لە هۆنکۆنگ دژی دەسەڵاتی وڵاتەکەی بارگرژییان دروست کردووە

دوێنێ (یەک شەممە 13ی تشرینی یەکەمی 2019 )وەزارەتی دەرەوەی چین بەیاننامەیەکی بڵاوکردۆتەوە، تێیدا هاتووە شی جینگ پینگ سەرۆکی چین هۆشداری داوەتە ئەو کەسانەی ماوەی چوار مانگە بە شدارییان لە خۆپیشاندان و دروستکردنی بارگرژی کردووە وتویەتی  ئێسک وپرۆسکی هەموو ئەو کەسانە وورد دەکەم کە هەوڵ دەدەن هۆنکۆنگ لە چین جیابکەنەوە.

ئەلحورە-ئامانجەکە دەبینم... لێکۆڵینەوەیەک پەیوەندی نێوان فرۆکەوانە رووسییەکان بڵاودەکاتەوە لەکاتی بۆردومانکردنی نەخۆشخانەکانی سوریا

رۆژنامەی نیویۆرک تایمزی ئەمریکی لە لێکۆڵینەوەیەکدا ئاشکرایدەکات، کە هێزی ئاسمانی روسیا لە مانگی ئەیلولی رابوردوو لەماوەی 12 کاتژمێردا بەئەنقەست چوار نەخۆشخانەیان لە سوریا بۆردومان کردووە، لێکۆڵینەوەکەش پشتی بە تۆماری دەنگی ئەو فرۆکەوانانە بەستووە کە ئەو نەخۆشخانانەیان کردووەتە ئامانج.

وە: ئاکۆ زەنگەنە  و ئاهه‌نگ



  • ڕۆژ
  • هەفتە
  • مانگ
created by Avesta Group and powered by Microsoft Azure