ئه‌گه‌ره‌كانی هێرشی سه‌ر نه‌وتهه‌ڵگره‌كه‌ی ئێران

هەواڵ / جیهان :: 11/10/2019‌ :: 360‌ جار بینراوە

دوارۆژ
دوای ئه‌وه‌ی كه‌شتییه‌كی نه‌وتهه‌ڵگری ئێرانی له‌ ده‌ریای سوور به‌ دوو مووشه‌ك كرایه‌ ئامانج، چاودێران لێكدانه‌وه‌ی جیاواز بۆ رووداوه‌كه‌ ده‌كه‌ن.

یه‌كێك له‌ ئه‌گه‌ره‌كان ئه‌وه‌یه‌ كه‌ كرده‌وه‌كه‌ تیرۆریستی بووبێت و ئه‌م ئه‌گه‌ره‌ له‌لایه‌ن كه‌ناڵی ئیسنای ئێرانییه‌وه‌ ئاماژه‌ی پێ دراوه‌. به‌ڵام به‌ وته‌ی به‌شێكی تر له‌ چاودێران، ده‌شێت ئه‌م رووداوه‌ وه‌ڵامێك بێت بۆ هێرشه‌كانی ئێران و گروپه‌كانی سه‌ر به‌ ئێران بۆ سه‌ر جووڵه‌ و ژێرخانی نه‌وت له‌ ناوچه‌كه‌دا.

له‌ مانگه‌كانی رابردوودا ئێران چه‌ند جارێك هێرشی كردووه‌ته‌ سه‌ر جووڵه‌ و كه‌شتی و فڕۆكه‌ی بێفڕۆكه‌وان له‌ گه‌رووی هورمز. هه‌روه‌ها گروپی حوسییه‌كان كه‌ ئێران پشتیوانییان ده‌كات به‌رپرسیارێتیی خۆی له‌ هێرش كردنه‌ سه‌ر ژێرخانی نه‌وتی سعودیه‌ و كۆمپانیای ئارامكۆ راگه‌یاند.

كه‌شتییه‌ نه‌وتهه‌ڵگره‌كه‌ی ئێران ناوی (سابیتی)یه‌ و سه‌ر به‌ كۆمپانیای نیشتمانیی نه‌وتی ئێرانه‌. مووشه‌كه‌كان زیانی گه‌وره‌یان به‌ كه‌شتییه‌كه‌ گه‌یاندووه‌. هه‌رچه‌نده‌ كارمه‌ندانی سه‌ر كه‌شتییه‌كه‌ زیانیان به‌ر نه‌كه‌وتووه‌، به‌ڵام دوو عه‌مباری نه‌وته‌كه‌ زیانیان به‌ر كه‌وتووه‌ و ده‌ڕژێته‌ ناو ده‌ریای سووره‌وه‌. 



created by Avesta Group and powered by Microsoft Azure