دواین زانیاری لەسەر گەشتە ئاسمانییەکانی فڕۆکەخانەی سلێمانی

هەواڵ / کوردستان :: 10/10/2019‌ :: 2846‌ جار بینراوە

دواڕۆژ، زریان محەمەد

لێپرسراوی بەشی پەیوەندییەکان و ڕاگەیاندنی فڕۆکەخانەی نێودەوڵەتی سلێمانی رایدەگەیەنێت: لەئێستادا گەشتە ئاسمانییەکانی فڕۆکەخانەکەیان بەردەوامیی ھەیە و ھیچ گرفتێک نەماوە.


دانا محەمەد، لێپرسراوی بەشی پەیوەندییەکان و ڕاگەیاندنی فڕۆکەخانەی نێودەوڵەتی سلێمانی، بەدواڕۆژی ڕاگەیاند: به‌داخه‌وه ماوەیەک پێش ئێستا‌ دیارده‌یه‌کی نادروست بەدیکرا که‌ ئاڕاسته‌کردنی تیشکی لێزه‌ره‌ له‌و فڕۆکانه‌ی که‌ ده‌گه‌نه‌ ئاسمانی سلێمانی، ئه‌وه‌ش کاریگه‌ری ڕاسته‌وخۆی ده‌بوو له‌سه‌ر سه‌لامه‌تی فڕۆکه‌وانی و هه‌ڵوێست وه‌رگرتنی ئه‌و هێڵه‌ ئاسمانییانه‌ی که‌ گه‌شته‌کانیان بۆ فڕۆکه‌خانه‌ی نێوده‌وڵه‌تی سلێمانی ئەنجام دەدەن".

ڕاشیگەیاند: دوای ئەوەی لەم ھەفتەیەدا هێڵی ئاسمانی قه‌ته‌ری له‌ ئاگادارینامه‌یه‌کدا که‌ بۆ فڕۆکه‌خانه‌ی نێوده‌وڵه‌تی سلێمانی ناردووه‌، سکاڵای ئه‌و دیارده‌یان خستووه‌تەڕوو، بۆ ئه‌و مه‌به‌سته‌ ئاسایشی فڕۆکه‌وانی فڕۆکه‌خانه‌ی نێوده‌وڵه‌تی سلێمانی هه‌ڵمه‌تێکی به‌رفراوانی ده‌ستپێکردووه‌ له‌ ڕێگه‌ی تیمه تایبه‌ته‌کانی به‌ هه‌لیکۆپته‌ر و مه‌فره‌زه‌کانی دیكه‌، بۆ گەڕان بەدوای ئه‌و که‌سانه‌ی که‌ هه‌ڵده‌ستن به‌و کاره نابەجێیانە‌ و ده‌ستگیرکردنیان و  به‌پێی یاسا لێپیچینه‌وه‌یان له‌گه‌ڵ ده‌کرێت و سزا دەدرێن".

ئەوەش ڕووندەکاتەوە: ئەو کێشەیە چارەسەرکرا و لێپێچینه‌وه‌ی پێویست کرا و ھەموو ئەو گەشتە ئاسمانییانەی لەم چەند شەوە کە ئەنجامدراوە ھیچ گرفتێکیان لەگەڵ ئەو حاڵەتەدا نەبووەو گەشتەکان بەردەوامییان ھەیە.

بڵاوكردنه‌وه‌: ئیحسانی مه‌لا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure