وەزیرى بەرگرى فڕەنسا: پێویستە هێرشەکەى تورکیا بوەستێنرێت

هەواڵ / جیهان :: پێش 2 هەفتە ‌ :: 562‌ جار بینراوە
فلۆرنس بالى، وەزیرى بەرگرى فڕەنسا

دواڕۆژ

وەزیرى بەرگرى فڕەنسا هێرشى تورکیا بۆ سەر رۆژئاواى کوردستان بە "مەترسیدار" ناودەبات و دەڵێت: پێویستە بوەستێنرێت.


فلۆرنس بالى، وەزیرى بەرگرى فڕەنسا لە تویتێکدا رایگەیاند: هێرشى سوپاى تورکیا بۆ سەر باکورى رۆژهەڵاتى سوریا مەترسیدارە و پێویستە بوەستێنرێت.

رونیشیکردەوە: "هێرشەکە مەترسیدارە لەسەر ئاسایشى کوردان. مەترسیدارە بەهۆى ئەوەى سود بە دەوڵەتى ئیسلامى (داعش) دەگەیەنێت کە ماوەى پێنج ساڵە دژایەتى دەکات. پێویستە بوەستێنرێت".

ئەمڕۆ هێرش و پەلامارەکانى سوپاى تورکیا بۆ سەر رۆژئاواى کوردستان و ناوچەکانى باکورى رۆژهەڵاتى سوریا بە بۆردومانى زەمینى و ئاسمانى دەستیپێکرد.

بەپێى هێزەکانى سوریاى دیموکراتیش لە ناوچە سنورییەکان لەسەر ئاستى مەیدانى پێکدادانى چەکدارى لەگەڵ سەربازانى تورکیا روویداوە، هەروەها بەهۆى بۆردومانەکانەوە پێنج هاووڵاتى مەدەنى و سێ چەکدارى هەسەدە گیانیان لەدەستداوە.



  • ڕۆژ
  • هەفتە
  • مانگ
created by Avesta Group and powered by Microsoft Azure