دژی هێرشی تورکیا بۆ رۆژئاوای کوردستان لە سلێمانی خۆپیشاندان دەکرێت

هەواڵ / کوردستان :: 09/10/2019‌ :: 644‌ جار بینراوە

دواڕۆژ، پشتیوان جەمال

دژی هێرشی سوپای تورکیا بۆ سەر رۆژئاوای کوردستان، بڕیارە سبەینێ لە سلێمانی خۆپیشاندان بکرێت.


ئێوارەی (ئەمڕۆ چوارشەممە 9ى تشرینی یەکەمی 2019) ژمارەیەک چالاکوانی مەدەنی سەردانی نوێنەرایەتى کانتۆنی خۆبەڕێوەبەری رۆژئاوایان لە سلێمانی کرد.

ئارام هادی، بەشداربووی کۆبوونەوەکە لە کۆنگرەیەکی رۆژنامەوانیدا رایگەیاند: دژی هێرشی سوپای تورکیا بۆ سەر رۆژئاوای کوردستان، بەرەی پشتیوانی لە رۆژئاوای کوردستانیان دروستکردووە و سبەینێش کاتژمێر 3ی پاشنیوەڕۆ رێپێوانێک لە ناوچەی سەهۆڵەکەی سلێمانی بۆ بەردەم باخی گشتی سازدەکەن و داوا لە هاووڵاتیان دەکەن بەشداری بکەن.

هاوکات ئەمشەویش لە شەقامى سالم لە سلێمانى گردبونەوەیەک دژ بە پەلامارەکانى تورکیا بۆ سەر رۆژئاوا ئەنجامدرا.



created by Avesta Group and powered by Microsoft Azure