وێنە: ئاوارەبوونى هاووڵاتیانى رۆژئاواى کوردستان

هەواڵ / کوردستان :: 09/10/2019‌ :: 394‌ جار بینراوە

دواڕۆژ

دوابەدواى دەستپێکردنى هێرش و پەلامارەکانى سوپاى تورکیا بۆ سەر رۆژئاواى کوردستان، هاووڵاتیان لە شارى گرێ سپى بە لێشاو لە ماڵ و شوێنەکانى خۆیان هەڵهاتن.


(ئەمڕۆ چوارشەممە 9ى تشرینى یەکەمى 2019) پەلامارەکانى سوپاى تورکیا بۆ سەر چەند ناوچەیەک لە رۆژئاواى کوردستان دەستیپێکرد.

بەهۆى هێرشەکانیشەوە کە سەرەتا لەرێى تۆپهاوێژ و فڕۆکەى سەربازییەوە دەستیپێکردووە، هەزاران هاووڵاتى لە شارى گرێ سپى ماڵ و شوێنى کارى خۆیان جێهێشت وەک ئەوەى روانگەى سورى بۆ مافەکانى مرۆڤ بڵاویکردوەتەوە.

ئاژانسى فڕانس پرێس لەسەر زارى رامى عەبدولڕەحمان، بەڕێوەبەرى روانگەى سورى رایگەیاند: ئاوارەبوونى هاووڵاتیانى گرێ سپى بەرەو باشور و بەتایبەتیش شارى حەسەکەیە، هەروەک دانیشتوانى گوندەکانى گرێ سپى بەرەو شارەکە هەڵدێن.

گرێ سپى دەکەوێتە سەر سنورى تورکیا و بووە یەکەم ئامانجى هێرشەکانى سوپاى ئەو وڵاتە.

پێشتر سەرچاوەیەک لە هێزەکانى سوریاى دیموکرات بە دواڕۆژى راگەیاند: سوپاى تورکیا بەشێوەیەکى چڕ و لەرێى بۆمبهاوێژ و فڕۆکەوە شارى سەرى کانى بۆردومان کردووە و بەهۆیەوە دوو هاووڵاتى مەدەنى شەهیدبوون.

وتیشى: لە پاش بۆردومانەکە هەزاران کەس لە هاووڵاتیانى شارەکە بەرەو ناوچەکانى باشور و رۆژهەڵات ئاوارەبوون.

ئا: شیروان شەریف



created by Avesta Group and powered by Microsoft Azure