زانیاری نوێ له‌باره‌ى دۆزینەوەی سێ روفات لە باخێكی سیتەك

هەواڵ / کوردستان :: 09/10/2019‌ :: 6176‌ جار بینراوە

دواڕۆژ، پشتیوان جەمال

پۆلیسی سلێمانی رایدەگەیەنێت، لەگوندێكی سەر بەناحیەی سیتەك لەباخی هاووڵاتییەكدا گۆڕێك دۆزرایەوە كە ڕووفاتی سێ كەسی تێدابووەو دەرکەوتووە هەرسێکیان لەڕەگەزی نێرن.


نەقیب سەرکەوت ئەحمەد، بەڕێوەبەری راگەیاندن و پەیوەندییەکانی پۆلیسی سلێمانی ئەمڕۆ ۹ی تشرینی یەکەمی ۲۰۱۹ بەدواڕۆژی راگەیاند: دوای ئەوەی هەواڵدەرێك سەردانی بنكەی پۆلیسی سیتەكی کردووە کە لەكاتی هەڵكەندنی چاڵێكدا لەباخەكەیدا ئێسك و پروسكی مرۆڤی بەدیكردووە، دەستبەجێ‌ هێزە ئەمنییەکانی سنورەکە گەیشتوونەتە شوێنی مەبەست و دوای هەڵكەندنی تەواوی گۆڕەكە دەرکەوتووە ئەو گۆڕە ڕوفاتی سێ‌ كەسی تێدابووە كە جلی كوردی و پانتۆڵیان لەبەردا بووە.

ناوبراو روونیکردەوە: هەر لەناو گۆڕەكەشدا سێ‌ پارچە دراوی 50 فلسی و ناسنامەیەك دۆزراوەتەوە، بەپێی لێکۆڵینەوەکانیش هەرسێکیان نێرینەن و کەسوکاری یەکێکیشیان دۆزراوەتەوە، لەئێستادا ڕوفاتەكان ڕەوانەی پزیشكی دادوەری كراوەو لێكۆڵینەوەكان دەستیان پێكردووە.

پێداچوونه‌وه‌و بڵاوكردنه‌وه‌: ئیحسانی مه‌لا فوئاد



created by Avesta Group and powered by Microsoft Azure

بەپەلە