وێنه‌: هونه‌رێ پابلیك ل دهۆك هاته‌ نیشاندان

هەواڵ / که‌لتور :: پێش 2 هەفتە ‌ :: 88‌ جار بینراوە

دواڕۆژ، بورهان یه‌حیا


رێڤه‌به‌رییا ره‌وشه‌نبیرى و هونه‌رى ل پارێزگه‌ها دهۆك، ب رێیا به‌شێ شێوه‌كارى، چه‌ند تابلۆیێن هونه‌رێ پابلیك ل سه‌نته‌رێ بازاڕێ دهۆك نیشاندان كو ده‌ربڕین ژ چه‌ند بابه‌تێن جودا دكر.

ئاواز نهێلى، به‌رپرسا راگه‌هاندنا رێڤه‌به‌رییا ره‌وشه‌نبیرى و هونه‌رى ل پارێزگه‌ها دهۆك بۆ دواڕۆژ دیاركر"چه‌ند هونه‌رمه‌ندان ب رێیا رێڤه‌به‌رییا هونه‌رێ شێوه‌كارى، تابلۆیێن ده‌ست چێكرى ب رامانێن جودا، ل پاركا نه‌ورۆز ل سه‌نته‌رێ بازاڕێ دهۆك نیشاندان كو ده‌ربڕین ژ چه‌ند بابه‌تێن گه‌رم و هزرى و ره‌وشه‌نبیرى دكر، بۆ نموونه‌ كو ده‌ڤه‌را رۆژهه‌لاتا ناڤین ناسنامه‌یا نه‌فتێ بۆ خۆ گرتییه‌ و ئه‌ڤێ ژى چه‌ند رامانێن  نهێنى هه‌ن".

ئاواز دیاركر"هونه‌رمه‌نده‌كێ دى هزرێن به‌روه‌خت و ساده‌ وه‌كو قالبێن به‌فرێ نیشاندا بوون كو هه‌ر زوو دحه‌لیێن. ژلایه‌كێ دى ڤه‌ تابلۆیه‌كێ ژ ئاسن و گیاى هاتبوو چێكرن و مه‌ره‌م پێ ئه‌و بوویه كو كه‌رسته‌یێن هه‌ڤدژ ژى دشێن پێكڤه‌ كاره‌كێ ئه‌رێنى ومفادار بكه‌ن. بابه‌تێ ژینگه‌هێ ژى د كه‌ڤاله‌كا تایبه‌ت دا هاتبوو نیشاندان و مه‌ره‌م ژێ ئه‌وبوویه‌ كو كه‌رسته‌یێن پلاستیكى و ده‌ستكرد شیاینه‌ كونترۆلا ژینگه‌هێ بكه‌ن و د چارچووڤه‌یه‌كێ دا دوورپێچ بكه‌ن".

پ: ل. م

بڵاوكردنه‌وه‌:هـ.ق



  • ڕۆژ
  • هەفتە
  • مانگ
created by Avesta Group and powered by Microsoft Azure