دوو برا بە رووداوێکی هاتوچۆ گیانیان لەدەستدا

هەواڵ / کوردستان :: 03/10/2019‌ :: 616‌ جار بینراوە

دواڕۆژ، بەختیار شەریف

ئێوارەی ئەمڕۆ پێنجشەممە 3ی تشرینی یەکەم نزیک قەزای چەمچەماڵ بەهۆی وەرگەڕانی ئۆتۆمبێلەکەیان 2 برای دانیشتووی سنووری پارێزگای هەولێر گیانیان لەدەستدا.

شایەتحاڵەکان ئاماژە بەوەدەکەن: کە رووداوەکە وەرگەڕان بووە لەپێچی بەرزاییەکانی بانی مەقان - نزیک قەزای چەمچەماڵ.

ئەیوب حەمەغەریب، جێگری بەڕێوەبەری تەندروستی چەمچەماڵ بە دواڕۆژی راگەیاند: "ئێوارەی ئەمڕۆ، تەرمی 2 کەسیان گەیاندە بەشی فریاکەوتنی نەخۆشخانەی شەهید پێشڕەو لەچەمچەماڵ کە بەهۆی رووداوی هاتوچۆوە گیانیان لەدەستدابوو".

لەبارەی ناسنامەی قوربانییەکانەوە رایگەیاند: "ئەو 2 قوربانییە بران بە ناوەکانی (دانا مستەفا و زانا مستەفا) کە خەڵکی دارەتووی هەولێرن،  تەمەنیان دیارنیە، لەڕووداوەکەدا دەستبەجێ گیانیان لەدەستدابوو".

پ: چ.ع



created by Avesta Group and powered by Microsoft Azure