لەشارێکی کوردستانیی هەموو هێڵەکانی ئینتەرنێت لەکارخراون

هەواڵ / کوردستان :: 03/10/2019‌ :: 800‌ جار بینراوە

دواڕۆژ، عیماد جەباری

لەشاری کەرکوک سەرجەم هێڵەکانی ئینتەرنێت لەکارخراون و بەشێک لەهێزە ئەمنییەکان خراونەتە حاڵەتی ئامادەباشیەوە.

پەیامنێرمان لەکەرکوک رایگەیاند: لەئێوارەی دوێنێ چوارشەممە 2ی تشرینی یەکەمەوە سەرجەم هێڵەکانی ئینتەرنێت لەشارەکە هاوکات لەگەڵ پارێزگاکانی دیکەی عێراق لەکارخراون.

وتیشی: "بەشێک لەهێزە سەربازییەکانی عێراق لەکەرکوک خراونەتە حاڵەتی ئامادەباشیەوە و لەشەقامەکانی پارێزگا و گۆڕەپانی ئاهەنگەکان بڵاوەیان پێکراوە بۆ رێگریکرد لەخۆپیشاندان".

ئاماژەی بۆ ئەوەشکرد: کە پاشنیوەڕۆی دوێنێ کۆمەڵێک گەنج بۆ پشتگیری لەداواکاری خۆپیشاندەرانی بەغدا لەبەردەم پارێزگا کۆبونەوە بەڵام هەر زوو لەلایەن هێزە ئەمنیەکانەوە بڵاوەیان پێکرا.

بەرەی عەرەبییش لەبەیاننامەیەکدا داوای لەهاووڵاتیان کرد بەدەم داوای خۆپیشاندانەوە نەچن، چونکە دۆخی کەرکوک جیاوازە و چەکدارانی داعش لەدەروازەکانی شارەکەوە لەهەلێک دەگەڕێن و لایەنەکانی دیکەش چاوەڕێی ئەوەن پشێوی لەشارەکەدا دروستبکەن و جارێکیتر ئاژاوە دروستبکەن بۆ ئەوەی بگەڕێنەوە کە مەبەستی لایەنە کوردییەکانە.

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure