زەوی لەبەردەم كارەساتێكی وێرانكەردایە

هەواڵ / زانست :: پێش 3 هەفتە ‌ :: 169‌ جار بینراوە

دواڕۆژ


زاناكانی گەردونناسی هۆشداری دەدەن كە بەدڵنیاییەوە زەوی لەژێر مەترسی چەند زریانێكی تایبەتدایە كە لە خۆرەوە هەڵدەكەن و كارەساتی گەورە دەخوڵقێنن. لە ئایندەدا ئەم زریانانە روودەدەن و كاریگەری زۆر خراپیان دەبێت لەسەر ژیانی سەر زەوی.


لە راپۆرتێکدا دەڵێن: "لە هەموو چركەیەكدا ئەگەری تەقینەوەیەكی وێرانكەر لە خۆرەوە لە ئارادایە و سەرئەنجام دەبێتە هۆی بڕینی تەزووی كارەبا و لەناوبردنی تۆڕەكانی تەلەفون. ئەوەی زانراوە خۆر بە بەردەوامی تەقینەوەی بارگاوی بەهێز دروست دەكات، كە رێژەیەكی كەمیان بەو رادەیە بەهێز دەبن ژیانی سەر زەوی پەك بخەن".

بەڵام هەر دووسەد ساڵ جارێك بریقەدانەوەیەكی زۆر بەهێز لە خۆرەوە دەردەچێت بە ئاڕاستەی زەوی و ئەگەر بەری بكەوێت زیانی زۆر زۆر گەورە دەگەیەنێت بە مانگە دەستكردەكان و تۆڕەكانی كارەبا و پەكخستنی ئامێرەكانی كۆمپیوتەر و تەنانەت ئەكاونت و ژماردەی بانكی، مرۆڤەكانیش دەسڕێتەوە.

خاڵە مەترسیدارەكە لەوەدایە كە ئێمە لە هەموو چركەیەكدا ئەو هەڕەشەیەمان لەسەرە و هیچ گەرەنتییەك نییە كە پێشوەخت بەو رووداوە بزانین. 

تیمە گەردونناسەكە دەڵێت: "ئەم كارەساتە لە ئایندەیەكی نزیكدا بەدڵنیاییەوە روودەدات و دەبێتە هۆی بڕینی كارەبا و كەوتنەوەی ئاگری زۆر لە ئەنجامی تەقینەوەی هێڵەكانی كارەبادا".

پ: ک. س


 



  • ڕۆژ
  • هەفتە
  • مانگ
created by Avesta Group and powered by Microsoft Azure