هیومان رایتس وۆچ دادگاکانى عێراق تۆمەتباردەکات

هەواڵ / جیهان :: پێش 4 هەفتە ‌ :: 100‌ جار بینراوە

تاگ :: داد عێراق

دواڕۆژ

رێکخراوى چاودێرى مافەکانى مرۆڤ رایدەگەیەنێت: دادگاى عێراق دوپاتکردنەوەى تۆمەتباران لەبارەى ئەشکەنجەدانیانەوە پشتگوێخستووە.


رێکخراوە نێودەوڵەتیەکە لە راپۆرتێکدا کە (دوێنێ چوارشەممە 25ى ئەیلولى 2019) بڵاویکردوەتەوە دەڵێت: دادگاى عێراق دەنگۆى ئەشکەنجەدانى تۆمەتبارانى پشتگوێخستووە یان پشتی بە دانپیادانانى ناسەلمێنراو بەستووە لە نزیکەى 20 دۆسیەدا لە ماوەى 18 مانگدا.

راپۆرتەکە رونیشیدەکاتەوە: هەندێک لەو دەنگۆى ئەشکەنجەدانانە لەڕێى پشکنینەکانى پزیشکى دادوەرى سەلمێنراوە، هەندێک دانپیادانانى تریش هیچ بەڵگەیەکى سەلمێنراوى لەگەڵ نەبووە، ئەمەش واتە بەزۆر وەرگیراوە، لەوانەش لەرێى ئەشکەنجەدانەوە.

راپۆرتەکە لەسەر زارى لما فەقیە، بەڕێوەبەرى بەشى رۆژهەڵاتى ناوەڕاست لە رێکخراوى چاودێرى مافەکانى مرۆڤ رایگەیاند: لێکۆڵینەوەکەمان لە ژمارەیەکى زۆرى بڕیارەکانى دادگاى پێداچوونەوەى عێراق ئەوە دەردەخات کە حاڵەتى خراپى کاروبارى دادگا لە پرسى تیرۆردا بەدیدەکرێت.

دەشڵێت: چۆن دەکرێت پارێزەران و دادوەرانى ریشەکێشکردنى تیرۆر دەستەوەستان تەماشاى ئەو رووداوانە بکەن.

راپۆرتەکە ئەوەشى دوپاتکردوەتەوە کە یاساى نێودەوڵەتى دادگاکان ناچاردەکات کە پشت بەو بەڵگانە نەبەستن کە لەژێر ئەشکەنجەدا بەدەستدێن.

ئا: شیروان شەریف

ب: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure