هەفتەی پێشوازی بۆ خوێندكارانی یەكی بنەڕەتی ساز دەكرێت

هەواڵ / کوردستان :: 26/09/2019‌ :: 195‌ جار بینراوە

دواڕۆژ، پشتیوان جەمال

لەقوتابخانەكانی شاری سلێمانی هەفتەی پێشوازی بۆ خوێندكارانی پۆلی یەكی بنەڕەتی ئەنجام دەدرێت و سەرەتا بەشەكانی قوتابخانەیان پێ ئاشنا دەكرێت دواتر دەست بە وانە خوێندن دەكەن.

قادر عەلی، بەڕێوەبەری قوتابخانەی گۆران لەشاری سلێمانی ئەمڕۆ 26ی ئەیلولی 2019 بەدواڕۆژی راگەیاند: خوێندكارانی پۆلی یەكی بنەڕەتی دەبێت بەشێوەیەكی جوان پێشوازی لێبكرێت، بۆیە رۆژی یەكەمی دەستپێكردنی دەوام بەگواستنەوەی خوێندكار و جیاكردنەوەی كتێب و وردەكاری دیكەوە سەرقاڵ دەبن ئەوەش بۆ خوێندكارانی پۆلی یەكەم خۆش نییە بهێنرێنە ئەو جددیاتەوە.

ناوبراو روونیكردەوە: هەندێك قوتابخانە ئەم هەفتەیە پێشوازییان لەو خوێندكارانە كردووە، بەڵام وەك قوتابخانەكەیان رۆژی شەممە 28ی ئەیلول بەشێوەیەكی جوان پێشوازییان لێدەكەن و دواتریش هەفتەی داهاتوو دەكەنە پێشوازی كە چۆن دێنە قوتابخانە و بەشەكانی كوێیە تا زیاتر ئاشنای قوتابخانە ببن.

رۆژی 21ی ئەیلولی 2019 یەكەم رۆژی دەستپێكردنی دەوامی رەسمی بوو لەقوتابخانە و خوێندنگەكانی هەرێمی كوردستان.

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure