بۆ ئێكه‌مجار ل هه‌رێم و عیراقێ ئامیره‌كێ ساخله‌میێ كه‌ڤته‌ كارى

هەواڵ / کوردستان :: پێش 4 هەفتە ‌ :: 107‌ جار بینراوە

دواڕۆژ، بورهان یه‌حیا

نه‌خۆشخانه‌یا دهۆك یا چاڤان، ب رێیا رێڤه‌به‌رییا گشتییا ساخله‌مییا پارێزگه‌ها دهۆك، بۆ ئێكه‌مجار ل سه‌ر ئاستێ هه‌رێم و عیراقێ ئامیرێ (لێزه‌را ره‌شكا چاڤان) ل نه‌خۆشخانه‌یه‌كا میرى دهێته‌ دانان.


ئەفراسیاب موسا رێڤه‌به‌رێ نه‌خۆشخانه‌یا دهۆك یا چاڤان، بۆ دواڕۆژ گۆت: "پشتى چه‌ندین گازنده‌یێن وه‌لاتییان گه‌هشتینه‌ رێڤه‌به‌رییا ساخله‌میێ كو بۆ چاره‌كرنا نه‌خۆشییا زێده‌بوونا ره‌شكا چاڤان وه‌لاتى قه‌ستا ده‌رڤه‌ دكه‌ن و پاره‌یه‌كێ مه‌زن دمه‌زێخن، ئامیرێ لێزه‌را ره‌شكا چاڤان بۆ ئێكه‌مجار ل سه‌ر ئاستێ هه‌رێم و عیراقێ ل نه‌خۆشخانه‌یه‌كا میرى دهێته‌ دانان و ب رێكا وێ ئێدى رێژه‌یا ره‌شكا چاڤان زێده‌ نابیت و دێ كونترۆل ل سه‌ر هێته‌كرن".

دكتۆر ئه‌فراسیاب دیاركر: "ئه‌ڤ ئامیره‌ ئێكجار پێشكه‌ڤتییه‌ و شیانێن نەھێلانا خرابتربوونا رەشکا چاڤی د پاشەرۆژێ دا ھەنە و ب تایبه‌ت ل دەف وان کەسێن تووشی نەخۆشیا رەشکا چاڤا دبن و ئه‌ڤ پێنگاڤه‌ دێ شێت ژلایێ ئابوورى ڤه‌ بارسڤكییه‌كێ بۆ وه‌لاتییان په‌یدا كه‌ت".

رێڤه‌به‌رێ نه‌خۆشخانه‌یا دهۆك یا چاڤان خویاكر: "د ڤێ نه‌خۆشیێ دا چاڤ دگەل ژیێ مرۆڤی لاواز دبیت و ئەڤ ئامیرێ نوکە گەھشتیە دھۆک رێگریێ ل لاوازبوونا چاڤی دگریت و ناھێلیت خرابتر بیت، چونکو دووڤدا پێدڤییە نیشتەرگەییەکا مەزن بۆ کەسێ نەخۆش بھێتەکرن، دگه‌ل هندێ هه‌موو ئه‌و خزمەتێن ب رێیا ڤی ئامیرەی دهێنه‌ پێشكێشكرن بێ به‌رامبه‌رن".

پ: ل. م

ب: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure